ល្អទាំងព្រម រត់ហាត់ប្រាណ ជួយបរិស្ថានបានហើយអាចឈ្នះរង្វាន់ទៀត

2018-05-04 11:57:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Green Race គឺជាកម្មវិធីរត់ប្រណាំងដើម្បីសុខភាព និងបរិស្ថានក្នុងទម្រង់ថ្មីមួយ ដែលតម្រូវឲ្យអ្នកចូលរួមរត់ និងរើសសំរាមតាមផ្លូវនៅពេលកំពុងរត់នោះ។ នេះជារបៀបហាត់ប្រាណថ្មីបែបសប្បាយៗ លេចចេញពីប្រទេស ស៊ុយអែត ដែលដើមឡើយនេះគឺជាការបំផុសគំនិតឲ្យប្រជាជនងាកមកចាប់អារម្មណ៍ការចេញក្រៅហាត់ប្រាណ ដូចជារត់យឺតៗ ឬធ្វើ Yoga នៅតាមសួនច្បារសាធារណៈជាដើម។ តែគ្មានអ្នកចង់ទៅហាត់ប្រាណនៅសួនសាធារណៈ ឬរត់តាមផ្លូវ ដែលពេញដោយសំរាមនោះទេ ដូច្នេះហើយទើបពួកគេនឹកឃើញគំនិតច្នៃប្រឌិតថ្មីមួយនេះ គឺរត់ប្រណាំងគ្នាបណ្ដើរ រើសសំរាមបណ្ដើរ ព្រោះការធ្វើចលនាពេលរើសសំរាមប្រៀបដូចជាការហាត់ប្រាណមួយដែរ។

សម្រាប់ Green Race លើកទី១ នៅកម្ពុជានេះ នឹងរៀបចំឡើងនៅទីតាំង ៣កន្លែងធំៗនៅភ្នំពេញ ដោយការរត់មានរយៈពេលចន្លោះពី ៣០នាទី ទៅ៤៥នាទី។ ក្រុមរត់នីមួយៗ នឹងត្រូវប្រមូលសំរាមឲ្យបានច្រើនបំផុតតាមផ្លូវដែលគេរត់។ ក្រុមដែលរត់ប្រមូលសំរាមបានច្រើនជាងគេ ក្នុងរយៈពេលតិចជាងគេ គឺជាអ្នកឈ្នះក្នុងការប្រកួតនេះ។ នៅតាមផ្លូវរត់ នឹងមានក្រុមការងារចាំផ្ដល់ទឹក និងថង់ដាក់សំរាមថ្មីជាហូរហែ។

តើរត់នៅកន្លែងណា ? ពេលណា?

នឹងមានការរត់ប្រណាំង ៣ កន្លែងក្នុងមួយថ្ងៃ។

មុនចាប់ផ្តើមរត់ ៣០នាទី ក្រុមរត់ត្រូវជួបជុំគ្នា ដើម្បីទទួលយក ស្រោមដៃ និងថង់ដាក់សំរាមបែបបរិស្ថាន ( Recyclable cassava bags)។ ទីតាំង និងម៉ោងចាប់ផ្ដើម៖

ទួលទំពូង ៖ ម៉ោង ៦:៣០ព្រឹក – ៩ព្រឹក
បឹងកេងកង ១ ៖ ម៉ោង ៧:១៥ ព្រឹក – ៩ព្រឹក
ផ្លូវមាត់ទន្លេ ៖ ម៉ោង ៧: ៤៥ព្រឹក – ៩ព្រឹក

បន្ទាប់ពីរកឃើញអ្នកឈ្នះ នឹងមានកម្មវិធីជួបជុំមួយទៀតនៅ មុខវត្តបទុមវតី វេលាម៉ោង ៩ព្រឹក ដើម្បីបិទកម្មវិធី ដោយមានការចូលរួមពី លោកជំទាវ ងិន លីណា អគ្គនាយិកានៃអគ្គនាយកដ្ឋានចំណេះដឹង និងអប់រំផ្សព្វផ្សាយព័ត៌មាន នៃក្រសួងបរិស្ថាន។

ចាប់អារម្មណ៍ ? អ្នកអាចចុះឈ្មោះចូលរួមបានឥឡូវនេះដោយសេរី តាមរយៈ facebook @GoGreen Cambodia or @ LLFitness, ឬ ចុះឈ្មោះតាមរយៈដៃគូសហការកម្មវិធីដូចខាងក្រោម៖

CrossFit Amatak
Phnom Climb
Farm to Table
Eleven One Kitchen
Chinese House

ការណែនាំពីការប្រកួត៖

មួយក្រុមមានគ្នា ៤នាក់ ច្រើនបំផុត ឬ គ្មានគ្នា អាចចុះឈ្មោះរត់ម្នាក់ឯងក៏បាន
បើមានក្រុម សូមចុះឈ្មោះដោយដាក់ឈ្មោះក្រុម
សូមប្រាប់ក្រុមការងារឲ្យដឹងពីចម្ងាយ និងកម្រិតនៃការរត់ដែលអ្នកចង់បាន ក្រុមការងារនឹងឆ្លើយតបលម្អិតនឹងការចង់បានរបស់អ្នក

សូមចូលទៅ download GoGreen Cambodia App @https://www.facebook.com/gogreenkhm/ និង Pin ទីតាំងដែលត្រូវរត់ក្នុងផែនទី។

ឧបករណ៍ដែលត្រូវប្រើប្រាស់ពេលកំពុងរត់នឹងផ្ដល់ឲ្យ តែយើងសូមលើកទឹកចិត្តឲ្យអ្នកចូលរួមប្រកួតយកដបទឹកផ្ទាល់ខ្លួនប្រើ ដោយក្រុមការងារនឹងផ្ដល់ទឹកជូន៕