ស្រឡាញ់គ្នាជិត២០ឆ្នាំ រកកូន១មិនបានមែន តែជីវិតគូ Dicky មានអ្នកលួចច្រណែនគ្រប់គ្នា

2018-05-08 23:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីទទួលបានការកោតសរសើរទាក់ទងនឹងការងារសម្ដែងហើយ តារាសម្ដែង Dicky Cheung ក៏មានមជ្ឈដ្ឋានជាច្រើនស្ញប់ស្ញែងនឹងជីវិតស្នេហារបស់លោក និងភរិយាដែរ។

Dicky Cheung និងប្រពន្ធ Zhang Qian គឺជាគូស្នេហ៍ដែលបានទាក់ទងស្រឡាញ់គ្នាតាំងពីឆ្នាំ ១៩៩៩ និងរៀបការនឹងគ្នាក្នុងឆ្នាំ ២០០៧។ មង្គលការជាលើកទី ២ បានប្រារព្ធឡើងម្ដងទៀតនាឆ្នាំ ២០០៩ នៅកោះ Boracay ប្រទេសហ្វីលីពីន។

ទោះជាយ៉ាងណា មុនចាប់ដៃសាងសុភមង្គលជាមួយប្រពន្ធ លោក Dicky Cheung ក៏ធ្លាប់មានប្រវត្តិស្នេហាជាមួយ Elvina Kong និង Jessica Hsuan ដែរ។ ប៉ុន្តែស្នេហាតួ ស៊ុនអ៊ូខុង ឆ្នាំ១៩៩៦ នេះ និង ដៃគូជីវិតនៅតែបន្តរស់រានមកដល់សព្វថ្ងៃ។

ដោយឡែក ទោះបីរៀបការហើយអស់រយៈពេលជាង ១០ឆ្នាំទៅហើយក្ដី ប្ដីប្រពន្ធ១គូនេះ មិនទាន់មានកូននឹងគេដែរ ស្របពេល Dicky មានអាយុ ៥៣ឆ្នាំ និង Zhang Qian មានអាយុ ៤៤ឆ្នាំទៅហើយ។

បើគិតតាំងពីទាក់ទងស្រឡាញ់គ្នាដំបូង រហូតដល់បច្ចុប្បន្ន វាមានរយៈពេលជិត ២០ឆ្នាំ តែអ្វីដែលគ្រប់គ្នារំភើប គឺក្ដីស្មោះស្ម័គ្រដែលពួកគេមានចំពោះគ្នា។ មហាជនតែងប្រទះឃើញញយដង ពេល Dicky និង Zhang Qian ទៅក្រៅម្ដងៗ ពួកគេតែងកាន់ដៃគ្នាជាប់ ស្ទើរមិនចង់លែងឡើយ។ មានម្ដង តារាប្រុសរូបនេះ ធ្លាប់និយាយថា Zhang Qian គឺជានារីដែលព្រមដើរលើវិថីជីវិតជាមួយលោក ស្របពេលលោកគ្មានអ្វីក្នុងដៃ។ នាងស្ម័គ្រចិត្តរងនូវព្យុះភ្លៀងដោយមិនខ្លាច ហើយមកទល់ពេលនេះ អ្នកទាំង២ ពិតជាអាចជម្នះបាន ថែមទាំងកាន់ដៃគ្នាដើរទៅមុខដោយសុខសាន្ត។ ភាពផ្អែមល្ហែមនេះហើយ ទើបធ្វើឲ្យមនុស្សជាច្រើនលួចច្រណែន និងប្រាថ្នាចង់បានជីវិតគូដចប្ដីប្រពន្ធលោក។