ចេញហើយ! លទ្ធផលបោះឆ្នោតជាតិនៅម៉ាឡេស៊ី បក្សប្រឆាំងឈ្នះ

2018-05-10 01:37:01
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមតួលេខរបស់គណៈកម្មការបោះឆ្នោតម៉ាឡេស៊ី នៅព្រឹកថ្ងៃព្រហស្បតិ៍ ទី១០ ខែឧសភានេះ បានបង្ហាញថា គណបក្សប្រឆាំង Pakatan Harapan (PH) របស់លោក Mahathir Mohamad បានទទួលជ័យជម្នះក្នុងការបោះឆ្នោតថ្នាក់ជាតិនៅប្រទេសម៉ាឡេស៊ី ឆ្នាំ២០១៨ ដោយទទួលបាន ១១៣កៅអី ស្របពេលដែលគណបក្សកាន់អំណាច Barisan Nasional (BN) របស់លោកនាយករដ្ឋមន្ត្រី Najib Razak ទទួលបាន ៧៩កៅអីប៉ុណ្ណោះ។ គណបក្ស PH ទទួលបានកៅអីលើសពី ១១២កៅអី ដើម្បីបង្កើតរដ្ឋាភិបាលថ្មី។

លោក Mahathir Mohamad និងសមាជិកគណបក្ស Pakatan Harapan (PH) អបអរក្រោយទទួលជ័យជម្នះក្នុងការបោះឆ្នោត (រូបថត៖ KFGO.com)

នៅក្នុងសន្និសីទសារព័ត៌មាន មុនការប្រកាសលទ្ធផលជាផ្លូវការ លោក Mahathir Mohamad ដែលមានវ័យ ៩២ឆ្នាំ ក៏បានប្រកាសពីជ័យជម្នះនេះផងដែរ។

សូមបញ្ជាក់ថា តាមតួលេខ ប្រជាជនម៉ាឡេស៊ី ជាង ១៤លាននាក់ មានសិទ្ធិទៅបោះឆ្នោត កាលពីថ្ងៃទី៩ ខែឧសភា ២០១៨ ដែលចាប់ផ្ដើមពីម៉ោង ៨ព្រឹក ដល់ម៉ោង ៥ល្ងាច នៅតាមមណ្ឌលបោះឆ្នោតចំនួន ៨២៥៣មណ្ឌល។ សម្រាប់ការបោះឆ្នោតនេះ អាសនៈនៅក្នុងសភាម៉ាឡេស៊ី មានចំនួន ២២២អាសនៈ៕