អគ្គិភ័យឆាបឆេះឃ្លាំងរថយន្តបីកន្លែង គិតជាទឹកប្រាក់រាប់ម៉ឺនដុល្លារ
- 2018-05-10 03:10:30
- ចំនួនមតិ 0 | ចំនួនចែករំលែក 0
អគ្គិភ័យឆាបឆេះឃ្លាំងរថយន្តបីកន្លែង គិតជាទឹកប្រាក់រាប់ម៉ឺនដុល្លារ
ចន្លោះមិនឃើញ
អគ្គិភ័យបានឆាបឆេះឃ្លាំងលក់រថយន្ត និងបន្លាស់រថយន្ត ៣កន្លែងជាប់ៗគ្នាយ៉ាងសន្ធោរសន្ធៅបង្កការភ្ញាក់ផ្អើលដល់ប្រជាពលរដ្ឋ ដែលនៅក្បែរ និងសមត្ថកិច្ចហៅរថយន្តពន្លត់អគ្គិភ័យយជាច្រើនគ្រឿងមកអន្តរាគមន៍ភ្លាមៗ។
ហេតុការណ៍គ្រោះអគ្គិភ័យដ៏សន្ធោរសន្ធៅខាងលើនេះ បានកើតឡើងកាលពីវេលាម៉ោង៣ និង២០នាទីទាបភ្លឺ ថ្ងៃព្រហស្បតិ៍ ទី១០ ខែឧសភា ឆ្នាំ២០១៨ នៅឃ្លាំងលក់រថយន្ត និងបន្លាស់រថយន្តនៅតាមបណ្តោយផ្លូវលេខ២១៩ ស្ថិតក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ។
សាក្សី ដែលឃើញហេតុការណ៍បានប្រាប់ថា នៅមុនពេលកើតហេតុគេបានឃើញមានអគ្គិភ័យបានឆាបឆេះឃ្លាំងលក់រថយន្តដែលនៅខាងត្បូងគេ។ រួចបានបន្តឆាបឆេះឃ្លាំងដែលនៅជាប់នៅដែលជាឃ្លាំងលក់គ្រឿងបន្លាស់រថយន្តយ៉ាងសន្ធោរសន្ធៅហើយបានបន្តទៅឃ្លាំងដែលជាប់គ្នាមួយទៀត។
ភ្លាមៗនោះក៏មានក្រុមរថយន្តពន្លត់អគ្គិភ័យជាច្រើនគ្រឿងមកអន្តរាគមន៍ផងដែរ។ទោះជាយ៉ាងអគ្គិភ័យបានឆាបឆេះយ៉ាងសន្ធោសន្ធៅដោយសារតែមានប្រេងលាយលំនិងជ័រថែមទៀតទើបមានការពិបាកនិងការគ្របគ្រង់ស្ថានការ។
រយៈពេល២ម៉ោងហើយដែលកម្លាំងនគរបាលតែនៅតែមិនទាន់អាចគ្រប់គ្រងស្ថានការបាន។ ពាក់ព័ន្ធនិងការឆាបឆេះខាងលើនោះនៅមិនទាន់ដឹងពីមូលហេតុនៅឡើយទេ ហើយការខូចខាតនោះក៏មិនទានអាចសន្មត់បាននៅឡើយដែរ ព្រោះមានរថយន្តស៊េរីទំនើបៗបានឆេះរាលដាលបន្តគ្នាខ្ទេចអស់ជាច្រើនគ្រឿង ដោយក្នុងមួយគ្រឿងតម្លៃខ្ទង់ម៉ឺនដុល្លារ៕