Rolls Royce Phantom ២០១៣ មានតែមួយនៅស្រុកខ្មែរ ទៅ Review ផ្ទាល់ដឹងថាកប់យ៉ាងណា (មានវីដេអូ)

2018-05-11 04:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮឈ្មោះ Rolls Royce ភ្លាម អ្នកភាគច្រើនប្រាកដជាដឹងពីប្រណិតភាពនៃកំពូលរថយន្ត របស់ប្រទេសអង់គ្លេសមួយនេះ ដោយសារតែការរចនាមកយ៉ាងល្អឥតទាស់ បូករួមនឹងតម្លៃដ៏ថ្លៃកប់ពពករបស់វា។

ថ្មីៗនេះ រថយន្តមួយប្រភេទដែលជាស៊េរីបើកដំបូលរបស់ Rolls Royce បានបង្ហាញខ្លួនជាលើកដំបូងក្នុងប្រទេសកម្ពុជា ដោយវាមានឈ្មោះថា Rolls Royce Phantom Drophead Coupe ស៊េរីឆ្នាំ ២០១៣។

Rolls Royce Drophead Coupe ស៊េរីឆ្នាំ ២០១៣ មានម៉ាស៊ីនប្រភេទ V ចំនួន ១២ ស៊ីឡាំង ទំហំ ៦.៨ លីត្រ ដែលអាចបង្កើតកម្លាំងដល់ទៅ ៤៥៣ សេះ។ រថយន្តនេះប្រើប៉ុងក្រោយ ជាមួយនឹងចង្កឹះលេខស្វ័យប្រវត្តិ។

និយាយពីរូបរាងរបស់វាវិញ គឺមិនខុសពីស៊េរី Phantom នានាឡើយ ដោយក្បាលខាងមុខមានរាងចតុកោណធំសម្បើម និងនិមិត្តរូប Spirti of Ectacsy បង្ហាញពីការបើកបរប្រកបទៅដោយអំណាច និងស៊េរីភាពរបស់ Rolls Royce។ អ្វីដែលប្លែកពីស៊េរី Phantom ធម្មតានោះគឺ ដំបូលដែលអាចបិទបើកបានប្រភេទ Convertible ដែលយើងធ្លាប់ឃើញលើ Rolls Royce ម៉ូដែល Dawn។

ចង់ដឹងថារថយន្ត Rolls Royce Phantom Drophead Coupe ស៊េរីឆ្នាំ ២០១៣ មានរូបរាងស្អាតប៉ុណ្ណា សូមទស្សនាវីដេអូខាងក្រោមទាំងអស់គ្នា៖

អត្ថបទ៖ ផាត សុវត្ថិ