ស្ត្រីម្នាក់រន្ធត់នៅពេលកូនឆ្កែរបស់នាង ប្រែក្លាយជាកញ្ជ្រោង
- 2018-05-12 03:04:49
- ចំនួនមតិ 0 | ចំនួនចែករំលែក 0
ស្ត្រីម្នាក់រន្ធត់នៅពេលកូនឆ្កែរបស់នាង ប្រែក្លាយជាកញ្ជ្រោង
ចន្លោះមិនឃើញ
ស្ត្រីម្នាក់នៅក្នុងប្រទេសចិន មានការភ្ញាក់ផ្អើលនៅពេលឃើញកូនឆ្កែដែលនាងចិញ្ចឹមពេលធំឡើងបានប្រែក្លាយទៅជាសត្វកញ្ជ្រោងរោមសមួយប្រភេទរបស់ប្រទេសចិន។ នេះបើតាម Fox News ទើបបានចុះផ្សាយ។
ស្រ្តីម្នាក់មានឈ្មោះថា Wang បានជឿថាកូនឆ្កែដែលនាងបានទិញក្នុងតម្លៃ ១៩០ ដុល្លារនៅហាងមួយក្នុងប្រទេសចិនកាលពីវានៅតូចនៅឡើយ គឺជាពូជឆ្កែ Puppy Spitz របស់ជប៉ុន។
នាងបាននិយាយថា នាងបានកត់សម្គាល់កូនឆ្កែរបស់នាងមានអាការៈខុសពីឆ្កែដទៃ មិនដែលលឺវាព្រុស ហើយពេលកូនឆ្កែនេះអាយុ៣ខែ វាលែងស៊ីចំណីឆ្កែដែលនាងបានដាក់ឲ្យ រីឯ កន្ទុយរបស់វាវែងខុសពីឆ្កែទូទៅ។ នាងបន្ថែមថា នៅពេលនាងបណ្ដើរសត្វចិញ្ចឹមរបស់នាងទៅណាមកណា ឆ្កែផ្សេងៗតែងខ្លាចវា។
ដើម្បីជម្រះមន្ទិល Wang បានយកកូនឆ្កែរបស់នាងទៅឲ្យអ្នកជំនាញនៅសួនសត្វ Taiyuan ពិនិត្យ។ តាមរយៈទំហំខ្លួន និង ក្លិន គេជឿថាវាពិតជាកញ្ជ្រោងមែន។ នៅពេលដែលវាធំឡើងបន្តិច ក្លិនខ្លួនរបស់វាកាន់តែឆួលខ្លាំងឡើងដូចគ្នា។
ដោយឡែក ខាងសួនសត្វបានដាក់កញ្ជ្រោង ដែលទទួលការចិញ្ចឹម និង ធំធាត់តាមរបៀបកូនឆ្កែ ឲ្យនៅដាច់ដោយឡែកពីគេសិន ត្បិតសន្តានដើមរបស់វាជាសត្វកញ្ជ្រោង ប៉ុន្តែ មជ្ឈដ្ឋានដែលវាធំធាត់តាមរបៀបសត្វក្នុងស្រុក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
