ក្ដុកក្ដួល! គ្រួសារ បញ្ចេញបទរបស់ Christina Grimmie ដែលប្រិយមិត្តមិនធ្លាប់លឺពីមុនមក នាទិវាមាតាអន្តរជាតិ

2018-05-12 08:04:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមគ្រួសាររបស់អតីតតារាចម្រៀងChristina Grimmie បានបញ្ចេញបទចម្រៀងថ្មីដែលប្រិយមិត្តមិនធ្លាប់បានស្ដាប់ពីមុន ដើម្បីជាការរំលឹកគុណក្នុងទិវាមាតាអន្តរជាតិ។

បទចម្រៀងនោះដែរ មានចំណងជើងថា "Little Girl” ដែលជាស្នាដៃនិពន្ធ និងច្រៀងដោយ Grimmieផ្ទាល់។ បទនេះដែរ នាងនិពន្ធឡើងជូនចំពោះអ្នកម្ដាយរបស់នាង ដែលបានទទួលការព្យាបាលជំងឺមហារីកសុដន់នៅពេលនោះ។

ជាមួយនឹងការចែករំលែកនេះដែរ ម្ដាយរបស់អតីតតារាចម្រៀងរូបនេះ បានបញ្ចេញអារម្មណ៍របស់នាងទៅកាន់អ្នកគាំទ្រថា៖ "ខ្ញុំពិតជាមានមោទនភាពណាស់ក្នុងការចែករំលែកបទចម្រៀងផ្ទាល់ខ្លួនមួយនេះទៅកាន់អ្នកម្ដាយ និង កូនស្រីរបស់ពួកគេ ក៏ដូចជាអ្នកគាំទ្ររបស់ Christina ផងដែរ។ វាពិតជាសំខាន់ណាស់សម្រាប់ខ្ញុំ ហើយវាមិនត្រឹមតែជាផ្នែកមួយនៃ Christina ប៉ុណ្ណោះទេ ប៉ុន្តែវាជាចំណងដ៏មាំមួយរបស់ពួកយើងទាំងពីរ។ ខ្ញុំនឹកនាងជារៀងរាល់ថ្ងៃ ហើយខ្ញុំជឿជាក់ថាបទចម្រៀងមួយនេះអាចនឹងជួយអ្នកម្ដាយដទៃ និងកូនស្រីរបស់ពួកគេឆ្លងកាត់ការភ័យខ្លាច ឬពេលវេលាលំបាកទាំងឡាយបាន"។

គួររម្លឹកដែរថា អតីតតារាចម្រៀង Christina Grimmie ត្រូវបានខ្មាន់កាំភ្លើងចូលបាញ់សម្លាប់កាលពីថ្ងៃសុក្រ ទី១០ ខែមិថុនា ឆ្នាំ២០១៦ ខណៈពេលដែលនាងកំពុងចុះហត្ថលេខាឲ្យអ្នកគាំទ្របន្ទាប់ពីច្រៀងរួច៕

ប្រិយមិត្តអាចស្ដាប់បទចម្រៀងមួយនេះបានតាមកម្មវិធី Spotify ខាងក្រោម៖