ជាង២ឆ្នាំ ទីបំផុត PSG ស្គាល់ជាតិចាញ់នៅដីខ្លួនឯងក្នុង Ligue 1
- 2018-05-13 04:20:28
- ចំនួនមតិ 0 | ចំនួនចែករំលែក 0
ជាង២ឆ្នាំ ទីបំផុត PSG ស្គាល់ជាតិចាញ់នៅដីខ្លួនឯងក្នុង Ligue 1
ចន្លោះមិនឃើញ
ម្ចាស់ពាន៣ក្នុងរដូវកាលនេះ Paris St-Germain បានស្គាល់ពាក្យចាញ់ក្នុងផ្ទះខ្លួនឯកនៅ Ligue 1 ក្នុងរយៈពេលជាង២ឆ្នាំ ក្រោយបរាជ័យក្រោមថ្វីជើង Rennes។
ការប្រកួតក្នុងកីឡដ្ឋាន Parc des Princes គឺជាការលាចុងក្រោយរបស់កីឡាករ Thiago Motta និងអ្នកចាត់ការ Unai Emery ទៅកាន់អ្នកគាំទ្រ PSG។ ហើយវាក៏ជាថ្ងៃ PSG លើកពានរង្វាន់ Ligue 1 ផងដែរ។
ងាកមកការប្រកួតក្លឹបអ្នកមាន PSG មានឱកាសគ្រប់គ្រងបាល់បានច្រើនជាង តែគ្មានសំណាងរកគ្រាប់បាល់ទេ។ យ៉ាងណា Rennes ដែលលេងក្រោមការកៀបរបស់ PSG បែរជាអាចរកគ្រាប់បាល់បានដល់ទៅ២គ្រាប់ធ្វើបានដោយកីឡាករ Benjamin Bourigeaud និង Adrien Hunou។ ជ័យជម្នះនេះធ្វើឲ្យ Rennes ស្ថិតនៅលេខ៥ Ligue 1 ធានាបានកៅអី Europa League។
ត្បិតបរាជ័យនៅ UCL ក្លឹប Paris St-Germain ជោគជ័យខ្លាំងក្នុងប្រទេស ដោយលើកពានដល់ទៅ៣រួមមាន Ligue 1, Coupe de France និង Coupe de la Ligue៕