Griezmann ថា ខ្លួនស្ថិតក្នុងចំណោមកីឡាករ ៣នាក់ល្អជាងគេលើលោក
- 2018-05-18 02:36:20
- ចំនួនមតិ 0 | ចំនួនចែករំលែក 0
Griezmann ថា ខ្លួនស្ថិតក្នុងចំណោមកីឡាករ ៣នាក់ល្អជាងគេលើលោក
ចន្លោះមិនឃើញ
Antoine Griezmann បាននិយាយថា គេស្ថិតក្នុងចំណោមកីឡាករ ៣នាក់ល្អជាងគេលើលោក និងជឿជាក់ថា លោក Diego Simeoneជាមនុស្សសំខាន់ដែលនាំគេមកដល់ចំណុចនេះ។
កីឡាករសញ្ជាតិបារាំងរកបាន២គ្រាប់ម្នាក់ឯង ជួយ Atletico យក Marseille ៣-០ ក្នុងវគ្គផ្ដាច់ព្រ័ត្រ Europa League កាលពីយប់ថ្ងៃពុធ ធ្វើឲ្យរូបគេកាន់តែលេចធ្លោក្នុងពិភពបាល់ទាត់។ យ៉ាណាក្ដីកីឡាករដែលជាគោលដៅរបស់ Barcelona រូបនេះមិនទាន់ចង់គិតពីរឿងផ្លាស់ចេញពី Atletico ឡើយ ដោយចង់នៅទីនេះបន្តជាមួយមិត្តរូមក្រុមសម្រេចបំណងខ្លួនចង់បាន។
“វាមិនមែនជាពេលត្រូវនិយាយពីអនាគតរបស់ខ្ញុំទេ។ ខ្ញុំត្រូវតែរីករាយដែលបានឈ្នះពាន និងអបអរជាមួយអ្នកគាំទ្រ។ រឿងពិតក្នុងក្ដីស្រមៃរបស់ខ្ញុំ គឺឈ្នះពានជាមួយ Atletico, Simeone និងមិត្តរួមក្រុម។ ខ្ញុំមានអារម្មណ៍ក្លឹបចាប់ផ្ដើមខ្លាំងទៅៗគ្រប់ការប្រកួត គ្រប់ឆ្នាំ។ ខ្ញុំនៅទីនេះ៤ឆ្នាំហើយ ហើយខ្ញុំមានក្ដីរីករាយជាមួយអ្នកគាំទ្រនិងមនុស្សក្នុងក្លឹបទាំងមូល។ ខ្ញុំបានសិក្សាជាច្រើនពី Simeone។ ខ្ញុំស្ថិតក្នុងចំណោមកីឡាករ ៣នាក់ល្អជាងគេលើលោក ដោយសារតែលោក (Simeone)៕