ឆែកមើលរាង HTC ស៊េរីថ្មី ត្រៀមចេញថ្ងៃ ២៣ ខែនេះ មិនខ្ចីប្រើម៉ូដឆក
- 2018-05-18 03:51:04
- ចំនួនមតិ 0 | ចំនួនចែករំលែក 0
ឆែកមើលរាង HTC ស៊េរីថ្មី ត្រៀមចេញថ្ងៃ ២៣ ខែនេះ មិនខ្ចីប្រើម៉ូដឆក
ចន្លោះមិនឃើញ
HTC ស៊េរីថ្មីដែលគេដឹងថាជាម៉ូដែល U12+ ត្រៀមនឹងបង្ហាញខ្លួនថ្ងៃទី ២៣ ខែឧសភានេះ បានលេចចេញនូវរូបរាង Render រួមទាំងលក្ខណៈសម្បត្តិសំខាន់មួយចំនួនផង។
រូបភាពដែលគេឃើញស្ដែងៗ បង្ហាញថា U12+ មិនមានប្រើរចនាបថក្បាលឆកដូចជាស្មាតហ្វូន Android ស៊េរីថ្មីៗដែលចេញពេលកន្លងមក នោះទេ។ U12+ មានប្រើអេក្រង់លាតទំហំ ៦ អ៊ីញ ដែលមានគែមអេក្រង់ស្ដើង និងមានតួខ្លួនមិនខុសពីស្មាតហ្វូន HTC ស៊េរីមុនៗប៉ុន្មានទេ។
ចំពោះលក្ខណៈសម្បត្តិវិញមានដូចខាងក្រោម ៖
កាមេរ៉ាខាងមុខជាប្រព័ន្ធកាមេរ៉ាភ្លោះ អាចប្រើសម្រាប់ថត Selfie ប្រភេទ Bokeh
កាមេរ៉ាខាងក្រោយក៏ភ្លោះ ដោយកាមេរ៉ាមេមានកម្រិត ១២ MP ជាប្រភេទ Wide-Angle និងកាមេរ៉ាទីពីរមានកម្រិត ១៦ MP ជាប្រភេទ Telephoto
ប្រើបន្ទះឈីប Snapdragon 845 រួមនឹង RAM ទំហំ ៦ GB និងអង្គផ្ទុកទិន្នន័យ ៦៤ ឬ ១២៨ GB ហើយមានកន្លែងសម្រាប់ដាក់មេមូរីកាត
ថ្មទំហំ ៣៥០០ mAh ទ្រាំទ្រនឹងបច្ចេកវិទ្យាសាកថ្មបានលឿន Quick Charge 3.0
ដំណើរការដោយប្រព័ន្ធប្រតិបត្តិការ Android 8.0 Oreo រួមទាំងមានបច្ចេកវិទ្យា Edge Sense
ធន់នឹងទឹកក្នុងកម្រិត IP68
រំពឹងថានឹងចេញលក់នៅថ្ងៃទី ១ ខែមិថុនា
តម្លៃនៅមិនទាន់ដឹងនៅឡើយ៕