Ronaldo ឆ្លើយម៉ាអេម ពេលសួរទាក់ទងនឹងចចាមអារ៉ាម Neymar មក Real

2018-05-23 13:34:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Cristiano Ronaldo ក្នុងថ្ងៃនេះ បានបង្ហាញចំណាប់អារម្មណ៍ទាក់ទងនឹងពាក្យចចាមអារ៉ាមដែលថា Neymar នឹងចាកចេញពី PSG មក Real Madrid។

កីឡាករព័រទុយហ្គាល់មិនបានភ្ញាក់ផ្អើលនឹងពាក្យចចាមអារ៉ាមបែបនេះឡើយ ព្រោះពាក្យទាំងនេះតែងកើតឡើងរាល់ពេលទីផ្សារដោះដូរកីឡាករបានបើក។

Ronaldo បាននិយាយថា៖ "នៅ Real Madrid ខ្ញុំតែងជាឮរឿយៗ ថានឹងមានការនាំចូលកីឡាករ។ តាំងពីខ្ញុំមកចូលរួមជាមួយក្លឹប (តាំងពីឆ្នាំ ២០០៩ មក) កីឡាករមិនតិចជាង ៥០រូបទេ ក្នុងមួយរដូវកាលៗ ដែលពាក្យចចាមអារ៉ាមបានអះអាងថានឹងមកចូលរួមជាមួយយើង តែចុងក្រោយគ្មានប៉ុន្មានទេ ដែលមកនោះ"។

សូមបញ្ជាក់ផងដែរ មានរបាយការណ៍ជាច្រើន បានលើកឡើងថា Neymar គ្រោងចាកចេញពីក្លឹបបារាំង PSG មកចូលរួមជាមួយ Real Madrid នារដូវកាលក្រោយ។ ក្លឹប PSG ម្ដងហើយម្ដងទៀត បានទាត់ចោលពាក្យនេះ។ ប្រធានក្លឹបបារាំង ជឿជាក់ ២០០០% ថាកីឡាករប្រេស៊ីលនឹងមិនចាកចេញពីក្លឹបនោះទេ។

គួររម្លឹកដែរថា Neymar ទើបតែចេញពី Barcelona មកចូលរួមជាមួយ PSG ក្នុងតម្លៃផ្ទេរថ្លៃបំផុត កាលពីខែសីហា ឆ្នាំមុន ប៉ុណ្ណោះ។ កីឡាករស៊ុតចូល ២៨ គ្រាប់ ក្នុងការបង្ហាញខ្លួន ៣០ លើកក្នុងក្លឹបយក្សបារាំងក្នុងរដូវកាលនេះ៕

ប្រភព៖ Four Four Two ប្រែសម្រួល៖ ហ៊ីម រស្មី