Iniesta ខិតជិតផ្ទេរទៅក្លឹបនៅ J League ដែលមាន Podolski នៅទីនោះ
- 2018-05-24 02:01:36
- ចំនួនមតិ 0 | ចំនួនចែករំលែក 0
Iniesta ខិតជិតផ្ទេរទៅក្លឹបនៅ J League ដែលមាន Podolski នៅទីនោះ
ចន្លោះមិនឃើញ
Andres Iniesta បានឲ្យដឹងថា គេនឹងផ្លាស់ប្ដូរផ្ទះទៅរស់នៅប្រទេសជប៉ុន ហើយរំពឹងចុះកុងត្រាជាមួយក្លឹប Vissel Kobe ដែលកំពុងលេងនៅលីគកំពូលជប៉ុន J1 League។
កីឡាករវ័យ៣៤ឆ្នាំបានចូលលេងចុងក្រោយដែលជាប្រកួតទី៦៧៤ឲ្យក្លឹប Barcelona ជាជើងឯក La Liga កាលពីថ្ងៃអាទិត្យ ពេលយកឈ្នះ Real Sociedad ១-០។ កាលពីម្សិលមិញជម្រើសជាតិអេស្ប៉ាញរូបនេះបានបង្ហោះរូបអង្គុយជាមួយប្រធានក្លឹប Vissel Kobe លោក Hiroshi Mikitani និងសរសេរភ្ជាប់ថា៖ "ឆ្ពោះទៅផ្ទះថ្មី ជាមួយមិត្តរបស់ខ្ញុំ"។
Vissel Kobe នឹងរៀបចំសន្និសីទកាសែតមួយនៅថ្ងៃព្រហស្បតិ៍នេះ ហើយក៏អាចជាថ្ងៃប្រកាសចុះកុងត្រាយក Iniesta ផងដែរ។ Vissel Kobe បច្ចុប្បន្នកំពុងស្ថិតនៅលេខ៦ ក្នុងតារាងពិន្ទុ J1 League។ ហើយ Lukas Podolski ដែលជាកីឡាករជើងឯក World Cup ក៏កំពុងនៅទីនោះ រួមជាមួយកីឡាករថៃ Theerathon Bunmathan ដែលក្លឹបខ្ចីជើងពី Muangthong United៕