មកមើលទិដ្ឋភាពរុស្ស៊ី បាញ់មីស៊ីលឆ្លងទ្វីប៤គ្រាប់ស្តែងៗ ចេញពីនាវាមុជទឹក (មានវីដេអូ)

2018-05-24 03:25:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងការពារជាតិរុស្ស៊ី ទើបតែបានចេញផ្សាយទិដ្ឋភាពនៃនាវាមុជទឹកប្រភេទ Borei-class បាញ់គ្រាប់មីស៊ីលឆ្លងទ្វីប Bulava ចំនួន ៤គ្រាប់ ដែលជាការសាកល្បងលើកដំបូង សម្រាប់នាវាមុជទឹកប្រភេទនេះ។

ការសាកល្បងបាញ់គ្រាប់មីស៊ីលនេះ ត្រូវបានធ្វើឡើងកាលពីថ្ងៃអង្គារ ទី២២ ខែឧសភា ឆ្នាំ២០១៨ នៅឯសមុទ្រ White Sea របស់ប្រទេសរុស្ស៊ី។ ខ្សែវីដេអូត្រូវបានចេញផ្សាយកាលពីថ្ងៃពុធ បង្ហាញឲ្យឃើញពីសកម្មភាពមុនពេលចាប់ផ្ដើម នៅលើនាវាមុជទឹកឈ្មោះ Yuriy Dolgorukiy។ បន្ទាប់មក នាវាមុជទឹកនោះបានបាញ់បង្ហោះមីស៊ីល Bulava ចំនួន ៤គ្រាប់ជាបន្តបន្ទាប់គ្នាយ៉ាងរហ័ស។

នាវាមុជទឹកឈ្មោះ Yuriy Dolgorukiy

គួរបញ្ជាក់ថា បច្ចុប្បន្ននេះ រុស្ស៊ីមាននាវាមុជទឹកប្រភេទ Borei-class ចំនួន ៣គ្រឿង ដែលកំពុងត្រូវបានប្រើប្រាស់ និង គ្រឿងទី៤ ឈ្មោះ Knyaz Vladimir កំពុងស្ថិតក្រោមការសាកល្បង ខណៈ ៤គ្រឿងទៀតកំពុងស្ថិតក្រោមការផលិត។ នាវានិមួយៗអាចផ្ទុកមីស៊ីលឆ្លងទ្វីប Bulava ចំនួន ១៦គ្រាប់ ដែលអាចបាញ់បានចម្ងាយ ១១ ០០០គីឡូម៉ែត្រ និងអាចផ្ទុកក្បាលគ្រាប់នុយក្លេអ៊ែរ រហូតដល់ទៅ ៦គ្រាប់ទៀតផង៕