គ្រូថ្មី Arsenal ដាក់ចេញយុទ្ធសាស្ត្រដែលលោកនឹងប្រើប្រាស់ក្នុងការដឹកនាំក្លឹប
- 2018-05-24 12:04:01
- ចំនួនមតិ 0 | ចំនួនចែករំលែក 0
គ្រូថ្មី Arsenal ដាក់ចេញយុទ្ធសាស្ត្រដែលលោកនឹងប្រើប្រាស់ក្នុងការដឹកនាំក្លឹប
ចន្លោះមិនឃើញ
អ្នកចាត់ការថ្មី Arsenal លោក Unai Emery ក្នុងថ្ងៃនេះ បានដាក់ចេញពីយុទ្ធសាស្ត្រដែលលោកនឹងប្រើប្រាស់ក្នុងការដឹកនាំក្លឹប។
លោកបាននិយាយច្បាស់ៗថា លោកចង់ដឹកនាំ Arsenal ឲ្យក្លាយជាក្រុម "តួឯក" គ្រប់ការប្រកួត។ ដើម្បីធ្វើបែបនេះបាន លោកបានសង្កត់ធ្ងន់លើពីរចំណុច គឺទី ១ លោកចង់ឲ្យក្រុមកាំភ្លើងធំមានសាច់បាល់លេងឲ្យបានច្រើនក្នុងអំឡុងការប្រកួត និងទី ២ ធ្វើការដាក់សម្ពាធលើក្រុមម្ខាងទៀត ពេលដែលគ្មានសាច់បាល់លេង។
លោក Emery ក៏បានបង្ហាញជំហរក្នុងការបន្តដឹកនាំក្រុមឲ្យលេងបាល់ទម្រង់ប្រយុទ្ធ៖ "ខ្ញុំសុខចិត្តឈ្នះ ក្នុងលទ្ធផល ៥-៤ ជាជាងលទ្ធផល ១-០"។
សូមបញ្ជាក់ផងដែរថា កាលពីម្សិលមិញក្លឹបឡុងដុង Arsenal ទើបបានតែងតាំងលោក Unai Emery ជាអ្នកចាត់ការក្លឹប ជំនួសលោក Arsene Wenger ដែលកាន់តួនាទីនេះអស់រយៈពេលជិត ២២ឆ្នាំ។
គិតពីឆ្នាំ ២០១៣ មក លោក Emery បានឈ្នះពាន Europa League ចំនួន ៣ ដង ពានលីគLigue 1 ម្ដង និងពានក្នុងស្រុកនៅបារាំងមួយចំនួនទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
