ក្នុងប្រវត្តិសាស្ត្រ Liverpool មានតែកីឡាកររូបនេះប៉ុណ្ណោះ ដែលស៊ុតចូលទីច្រើនជាង Salah ក្នុងមួយរដូវកាល
- 2018-05-25 11:17:40
- ចំនួនមតិ 0 | ចំនួនចែករំលែក 0
ក្នុងប្រវត្តិសាស្ត្រ Liverpool មានតែកីឡាកររូបនេះប៉ុណ្ណោះ ដែលស៊ុតចូលទីច្រើនជាង Salah ក្នុងមួយរដូវកាល
ចន្លោះមិនឃើញ
ក្នុងប្រវត្តិសាស្ត្រ Liverpool មានតែអតីតខ្សែប្រយុទ្ធ Ian Rush មួយប៉ុណ្ណោះ ដែលកំពុងមានកំណត់ត្រាស៊ុតច្រើនគ្រាប់ក្នុងមួយរដូវកាលជាង Mohamed Salah។
អតីតខ្សែប្រយុទ្ធវេល បានស៊ុតចូលដល់ទៅ ៤៧ គ្រាប់ ក្នុងរដូវកាល ១៩៨៣-៨៤ ដែលក៏ជារដូវកាល Liverpool បានលើកពាន European Cup (ត្រូវបានប្ដូរឈ្មោះជា Champions League កាលពីឆ្នាំ ១៩៩២មក)។ កាលនោះ ក្លឹបហង្សក្រហមបានយកឈ្នះ Roma ក្នុងវគ្គបាល់ពិន័យ ១១ម៉ែត្រ។
យ៉ាងនេះក្ដី ក្នុងរដូវកាលនោះ Rush បានបង្ហាញខ្លួនឲ្យក្លឹបដល់ទៅ ៦៥ ប្រកួត ដើម្បីសម្រេចបានចំនួនគ្រាប់បាល់ដូចខាងលើ។
ដូច្នេះបើប្រៀបធៀបស្ថិតិគ្រាប់បាល់ក្នុងមួយប្រកួតៗ ឃើញថា Salah ធ្វើបានល្អជាង។ កីឡាករអេហ្ស៊ីបស៊ុតចូល ៤៤ គ្រាប់ ដោយប្រើចំនួនប្រកួតត្រឹមតែ ៥១ លើកប៉ុណ្ណោះ។ ក្នុងនោះ ៣២ គ្រាប់ស៊ុតចូលក្នុង Premier League ១ គ្រាប់ក្នុង FA Cup ១គ្រាប់ ក្នុង League Cup និង១០ គ្រាប់ទៀតក្នុងកម្មវិធី Champions League។
សូមបញ្ជាក់ផងដែរថា កាលពីរដូវកាលដោះដូរក្ដៅកន្លងទៅ Liverpool បានផ្ទេរ Salah ពី Roma ក្នុងតម្លៃ ៤២ លានអឺរ៉ូ (ជិត ៥០ លានដុល្លារសហរដ្ឋអាមេរិក)។ កីឡាករបានបង្ហាញទម្រង់លេងបានយ៉ាងល្អឲ្យក្លឹបថ្មីរបស់ខ្លួន និងបានឈ្នះពានផ្ទាល់ខ្លួនជាច្រើន៕