ជើង​ហោះហើរ​ អ្នកគាំទ្រ Liverpool ចំនួន៣​​​ ត្រូវ​បាន​លុប​ចោល​ ព្រោះ​​​​យន្តហោះ​ជាច្រើន​សម្រុក​ទៅ​ក្រុង​គៀវ

  • 2018-05-26 03:14:19
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ជើង​ហោះហើរ​ចំនួន​៣​​របស់​អ្នកគាំទ្រ Liverpool រួម​នឹង​ជើង​ហោះ​ហើរ​មួយ​ចំនួន​ទៀត​​​ទៅ​កាន់​ទីក្រុង​គៀវ ប្រទេស​អ៊ុយក្រែន​ត្រូវ​បាន​បង្ខំ​ចិត្ត​លុប​ចោល​​ដោយសារ​តែ​​យន្តហោះ​​ជា​ច្រើន​សម្រុក​ទៅ​កាន់​ទីក្រុង​នេះ​សម្រាប់​​ការ​ប្រកួត​ផ្តាច់ព្រ័ត្រ Champions League។ នេះ​បើ​តាម The Sun ទើប​បាន​ចុះ​ផ្សាយ។

បើ​ទោះ​ជា​ជើង​ហោះហើរ​ចំនួន​៣​ត្រូវ​បាន​លុប​ចោល ប៉ុន្តែ​វា​មិន​អាច​បញ្ឈប់​អ្នក​គាំទ្រហង្សក្រហម​ទៅ​គាំទ្រ​វីរបុរស​ពួកគេ​ដោយ​ផ្ទាល់ឡើយ​

ក្រុម​ហ៊ុន​​អាកាសចរណ៍ Worldchoice Sports បាន​សូមទោស​អ្នកគាំទ្រ Liverpool ​សម្រាប់​ការ​លុប​ចោល​ជើង​ហោះហើរ​នេះ​​នៅ​ក្នុង​សេចក្តី​ថ្លែងការណ៍​របស់​ក្រុមហ៊ុន​ថា "អតិថិជន​ជាទី​គោរព ដោយ​មាន​ការ​សោកស្ដាយ​យ៉ាង​ជ្រាលជ្រៅ យើង​ខ្ញុំ​សូម​លុបចោល​ជើង​ហោះ​ចំនួន​៣​ទៅ​កាន់​ទីក្រុង គៀវ។ អាស្រ័យ​ដោយ​មាន​ជើង​ហោះហើរ​ជា​ច្រើន​ចូល​ទៅ​កាន់​ទីក្រុង​គៀវ ប្រលានយន្តហោះ Kiev Borispyl មិន​អាច​មាន​ពេល​ទំនេរ​សម្រាប់​យន្តហោះ​ចុះ​ចត​ឡើយ"។

ប៉ុន្តែ​ក្រុម​ហ៊ុន​បាន​អះអាង​ថា​ខ្លួន​បាន​និយាយ​ទៅ​កាន់​ក្លឹប Liverpool ប៉ូលីស និង Uefa ដើម្បី​ឲ្យ​ជួយ​ដោះស្រាយ​បញ្ហា​នេះ។

អភិបាល​ក្រុង Liverpool លោក Joe Anderson បាន​សម្រេចចិត្ត​ចរចា​ជាមួយ​លោក Vitali Klitschko អភិបាល​ក្រុង​គៀវ ដោយ​មាន​​ការ​ជ្រោមជ្រែង​ពី​ក្លឹប​ Liverpool រួម​នឹង Uefa បាន​ព្យាយាម​ជួយ​ដោះស្រាយ​បញ្ហា​​អ្នកគាំទ្រ Liverpool ជាង​ ១ ០០០ នាក់​ដែល​គ្មាន​យន្តហោះ​ជិះ​ ដើម្បី​ធ្វើ​យ៉ាងណា​ឲ្យ​ពួកគេ​បាន​ទៅ​ដល់​អ៊ុយក្រែន​មុន​ការ​ប្រកួត៕

Vitali Klitschko អភិបាល​ក្រុង​គៀវ ជួយអន្តរាគមន៍ ដែល​គេ​សង្ឃឹម​ថា អ្នក​គាំទ្រ Liverpool នឹង​មាន​លទ្ធភាព​ទៅ​ដល់​ទីក្រុង​គៀវ មុន​ការ​ប្រកួត

ប្រភព៖ thesun   ប្រែ​សម្រួល៖ សុខ លាងហ៊ត

អត្ថបទពេញនិយម