ផល​ សោភ័ណ្ឌ​ និយាយ​យ៉ាង​ណា​ក្រោយ​ឈ្នះ​ខ្សែក្រវាត់​ Carabao​ ជា​លើក​ទី២​ យប់​មិញ​

  • 2018-05-28 08:00:21
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ជើង​ខ្លាំង​ជួរ​មុខ​របស់​កម្ពុជា​ ផល​ សោភ័ណ្ឌ​ ថា​ ការ​ប្រកួត​យប់​មិញ​ជា​មួយ​សិស្ស​ប្អូន​ ឡៅ​ ចិត្រា​ កុំ​បារម្ភ​ខ្លះ​ៗ​ដែរ ​ព្រោះ​ភ្លាត់​ស្នៀត​បែក​តាំង​ពី​ទឹក​ទី១​ ហើយ​បែក​នោះ​ក៏​ធំ​ទៀត​ ខ្លាច​មិន​អាច​បន្ត​ការ​ប្រកួត​ដល់​ចប់​បាន។​

ឡៅ​ ចិត្រា(ខៀវ) ផល​ សោភ័ណ្ឌ​(ក្រហម)

ផល​ សោភ័ណ្ឌ​ បាន​ឲ្យ​ដឹង​ថា​ រូប​គេ​ពិត​ជា​ទទួល​ស្កាល់​សិស្ស​ប្អូន​ខាង​លើ​នេះ​មាន​សមត្ថភាព​ល្អ​មែន​ នៅ​ពេល​ខាង​មុខ​ គេ​នឹង​រឹតតែ​ល្អ​ថែម​ទៀត ​ព្រោះ​នៅ​ក្មេង​ មាន​កម្លាំង​ ហើយ​ជា​ក្មេង​កំពុង​ឡើង​ទៀត​ដូច្នេះ​បន្តិចទៀត​ល្អ​ខ្លាំង​ជាង​និង​ទៀត។​

សម្រាប់​ជំនួប​ផ្ដាច់​ព្រ័ត្រ​នេះ​ អតីត​កីឡាករ​ជម្រើស​រើស​ជាតិ​ប្រដាល់​សលក​ខាង​លើ​បន្ត​ថា​ វា​ក៏​ជា​ការ​ពិបាក​ក្នុង​ការ​យក​ឈ្នះ​សិស្ស​ប្អូន​ផង​ដែរ​ ដោយ​សារ​រូប​គេ​វ៉ៃ​ខ្លី​ ដល់​ពេល​ប៉ះ​អ្នក​ខ្ពស់​វែង​បែប​នេះ​ពិបាក​លូក​ចូល​វ៉ៃ​ដែរ។​ ប្រាក់​រង្វាន់​ដែល​ទទួល​បាន​នេះ​ នឹង​យក​ទៅ​បង្កើត​មុខរបរ​បន្តិចបន្តួច​បន្ថែម​ពី​ការ​ឡើង​សង្វៀន។​

ផល សោភ័ណ្ឌ​ ពេលឈ្នះ​ខ្សែក្រវាត់​

ផល​ សោភ័ណ្ឌ​ ក្លាយ​ជា​ម្ចាស់​ជើង​ឯក​ទម្ងន់​ ៦៣,៥​ គីឡូក្រាម​ខ្សែក្រវាត់​ Carabao​ ជា​លើក​ទី២ ​បន្ទាប់​ពី​យក​ឈ្នះ​កីឡាករ​ ឡៅ​ ចិត្រា​ ដោយ​ពិន្ទុ​នៅ​សង្វៀន​បាយ័ន​ស្ទឺង​មាន​ជ័យ​កាល​ពី​យប់​មិញ​នេះ៕​

អត្ថបទ៖ នួន ស៊ីណា​