ឈ្មោះ X មិនធម្មតា មិនល្បីតែលើទូរសព្ទ Apple និយាយពីម៉ូតូវិញឈ្មោះនេះក៏ល្បីកប់ដែរ

2018-05-29 04:50:55
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយះចុងក្រោយនេះមានផលិតផលជាច្រើនបានបញ្ចេញ លក់នៅលើទីផ្សារមិនថា ទូរសព្ទ ម៉ូតូ ដែលសុទ្ធសឹងទទួលបានការគាំទ្រជាច្រើនគួបផ្សំជាមួយឈ្មោះផងនេះបានធ្វើឲ្យមានភាពពេញនិយម។

ងាកមកមើលផលិតផលដែលមានឈ្មោះបង្កប់អក្សរ X កំពុងមានលក់នៅស្រុកខ្មែរ៖

ទូរសព្ទ iPhone X

iPhone X ជាកំពូលស្មាតហ្វូនម៉ូដែលចុងក្រោយរបស់ក្រុមហ៊ុន Apple ដែលបានប្រកាសចេញកាលពីថ្ងៃទី ២៤ វិច្ឆិកា ២០១៧ កន្លងទៅ។

iPhone X មានទំហំ ៥,៨ អ៊ីញ ជាប្រភេទអេក្រង់ OLED មានបច្ចេកវិទ្យាបង្ហាញរូប Super Retina Display មានកម្រិត Resolution 2436x1125 ដែលមានដង់ស៊ីតេរូបភាពដល់ ៤៥៨ ភីកសែលក្នុងមួយអ៊ីញ។ អេក្រង់បំពាក់ដោយបច្ចេកវិទ្យាTrue Tone Display អាចថតរូបព្រាល Portrait និងអាចបង្កើតជាទម្រង់ Animoji ឲ្យក្លាយជា Emoji ដែលមានលក្ខណៈរស់រវើក។ ប្ដូរពីប្រព័ន្ធស្កេនក្រយៅដៃ ដោយប្រើបច្ចេកវិទ្យាស្កេនមុខ FaceID ជាមួយនិងមុខងារសាក់ថ្មឥតខ្សែ។ បច្ចុប្បន្ន iPhone X មានតម្លៃ ១ ២២៨ ដុល្លារ ទំហំ 64GBនិង តម្លៃ ១ ៤០៨ ដុល្លារ សម្រាប់ទំហំ ២៥៦GB។

Google Pixel 2 XL

Google Pixel 2 XL

Google Pixel 2 XL ក៏អាចចាត់ទុកថាក៏ជាកំពូលស្មាតហ្វូនមួយផងដែរក្នុងចំណោមទូរសព្ទដែលប្រើប្រាស់ប្រព័ន្ធប្រតិបត្តិការ Android បានប្រកាសចេញលក់កាលពីថ្ងៃទី ៤ ខែតុលា ឆ្នាំ ២០១៧។ Google Pixel 2XLមានអេក្រង់ទំហំ ៦ អ៊ីញ មានអង្គផ្ទុកទិន្នន័យចំនួនពីរប្រភេទ 64GB និង 128GB បំពាក់បន្ទះ Chip Snapdragon 835 របស់ Qualcomm ជាមួយល្បឿន 2.15 GHz, RAM 4 GB និងដំណើរការដោយប្រព័ន្ធប្រតិបត្តិការ Android Nougat 7.1។ បច្ចុប្បន្ន Google Pixel 2 XL មានតម្លៃ ១ ០០៩ ដុល្លារ ទំហំ 128GB និង ៨៩៩ ដុល្លារ សម្រាប់ទំហំ 64 GB។

Sony Xperia X

Sonyបានបញ្ចេញស្មាតហ្វូន ត្រកូល X មួយប្រភេទចេញលក់ដំបូងនៅចុងខែ មិថុនា ២០១៦ មកដល់ពេលនេះបានវិវត្តន៍ខ្លួនមកដល់ Xperia XZ2 ហើយ។
លក្ខណៈសម្បត្តិរបស់ Xperia X នេះបានបំពាក់មកជាមួយអេក្រង់ទំហំ 5.0 អ៊ីញ ប្រភេទ IPS LCD RAM ទំហំ 3GB ភ្ជាប់មកជាមួយបន្ទះឈីប Snapdragon 650,ដំណើរការដោយប្រព័ន្ធប្រតិបត្តិការ Marshmallow 6.0.1 បន្ថែម Memory បាន 200GB អង្គផ្ទុកទិន្នន័យ 32GB និង64GB និង មានGPU ប្រភេទ Adreno 510 មានបីពណ៍ គឺពណ៌ស ខ្មៅ និងពណ៌មាស។ បច្ចុប្បន្ន Sony Xperia X មានតម្លៃប្រមាណជា ២៦៩ ដុល្លារ ។

ម៉ូតូ Honda Zoomer X

Zoomer X ស៊េរីឆ្នាំ ២០១៨

Honda Zoomer-X ជាម៉ូតូលេខអូតូដែលមានការពេញនិយមសម្រាប់យុវវ័យមកដល់ពេលនេះ Zoomer X បានបញ្ចេញដល់ស៊េរីឆ្នាំ ២០១៨ ហើយចំពោះរូបរាងវិញពុំសូវខុសប្លែកពីស៊េរីមុនប៉ុន្មានឡើយ តែមានការរចនារូបរាងខាងក្រៅប្លែកពីស៊េរីបន្តិច ដូចជាត្រង់គ្រោងដែកដែលហ៊ុំព័ទ្ធគូថម៉ូតូខាងក្រោយ និង គ្រោងដែកចង្កៀងខាងមុខ បានប្ដូរពីពណ៌-ស ទៅជាពណ៌ខ្មៅ ឬ ពណ៌ក្រហមវិញ។ ចំណុចមួយទៀតដែលធ្វើឲ្យ Zoomer-X ស៊េរីថ្មីខុសប្លែកពីស៊េរីមុនគឺត្រង់ការរចនាតែមលើឃ្លុបម៉ូតូ។ Honda Zoomer Xបានប្រកាសចេញកាលពីដើមខែ ធ្នូ ២០១៧ ដែលមានជម្រើសពណ៌ចែកចេញជា ៤ ប្រភេទរួមមានក្រហមលាយ-ស (បំពង់ដែកពណ៌ក្រហម), ខ្មៅលាយក្រហម (បំពង់ដែកពណ៌ក្រហម), ទឹកក្រូចលាយ-ស (បំពង់ដែកពណ៌ខ្មៅ) និង ស្វាយលាយ-ស (បំពង់ដែកពណ៌ខ្មៅ)។ បច្ចុប្បន្ន Honda Zoomer X ស៊េរីឆ្នាំ ២០១៨ មានតម្លៃប្រមាណជា ២ ១០០ ដុល្លារ ។

ម៉ូតូ Honda PCX

Honda PCX ស៊េរីឆ្នាំ ២០១៨

Honda PCX ក៏ជាប្រភេទម៉ូតូមិនប្រើចង្កឹះលេខមួយប្រភេទដែលមានភាពពេញនិយមផងដែរ។រចនាបថ PCX 150 ស៊េរីថ្មីនេះមកជាមួយនិងចំណុចពិសេសមួយចំនួនដូចជាមានជាភ្លើង Welcome Light ដែលអាចបំភ្លឺឡើងតាមការចុចលើសោ Smart Keyកុងទ័រប្រភេទឌីជីថល LCD សុទ្ធ ឃ្លុបម៉ូតូមានទំហំធំអាចដាក់ឥវ៉ាន់បានច្រើន។ PCX 150 ស៊េរីថ្មីមានបំពាក់បច្ចេកវិទ្យាទំនើបៗដូចជាប្រព័ន្ធម៉ាស៊ីន PGM-Fi ចំណុះ ១៥០ សេសេ, បច្ចេកវិទ្យា Idling Stop System, ប្រព័ន្ធហ្វ្រាំង Combi Brake។ Honda PCX 150 ២០១៨ នេះបានបញ្ចេញលក់នៅថ្ងៃទី ២១ ខែធ្នូ ឆ្នាំ ២០១៧ និងមានពណ៌បួនជម្រើសរួមមាន ប្រផេះ, ខ្មៅ, ក្រហម និង ខ្មៅលាយ ស។ បច្ចុប្បន្ន Honda PCX ស៊េរីឆ្នាំ ២០១៨ មានតម្លៃប្រមាណជា ៣ ៧៥០ ដុល្លារ ។

ម៉ូតូ Honda MSX

Honda MSX ស៊េរីឆ្នាំ ២០១៧

MSX ជាប្រភេទម៉ូតូតូចកូនកាត់ម៉ូតូធំ និងមានភាពពេញនិយមសម្រាប់យុវវ័យដែលចេញដំបូងនៅឆ្នាំ ២០១៥ ដែលទទួលបានការគាំទ្រច្រើនផងដែរ វាបានបំពាក់មកជាមួយកម្លាំងម៉ាស៊ីន ១២៥ សេសេ។ សម្រាប់ឆ្នាំ ២០១៧ MSX បានបញ្ចេញលក់មាន៣ ប្រភេទរួមមានប្រភេទផលិតមានកំណត់ (The Ultimate Pink Limited Edition), ប្រភេទប្រើហ្វ្រាំង ABS រួមទាំងប្រភេទធម្មតា។ បច្ចុប្បន្ន Honda MSX ស៊េរីឆ្នាំ ២០១៧ ប្រភេទធម្មតាមានតម្លៃប្រមាណជា ២ ១០០ ដុល្លារ ។

ចុះប្រិយមិត្តវិញមានដឹងផលិតផលអ្វីមានឈ្មោះបង្កប់អក្សរ X ទៀតទេ? បើដឹងជួយប្រាប់ Sabay ផង។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទបន្ត៖

អត្ថបទ៖ ម៉េងងី