កីឡាករឆ្នើមBarcaម្នាក់ សង្ឃឹមថា អាចបន្តកុងត្រាថ្មីជាមួយក្លឹប

2018-05-29 11:08:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារ Samuel Umtiti កាលពីពេលថ្មីៗនេះ បានបង្ហាញក្ដីសង្ឃឹមថា ខ្លួននឹងតកុងត្រាថ្មីជាមួយ Barcelona នាពេលខាងមុខ។

កីឡាករបានសារភាពថារហូតមកទល់ពេលនេះ ការចរចាកុងត្រាមិនមានសភាពទៅមុខលឿនឡើយ។ យ៉ាងនេះក្ដី Umtiti មិនមានការបារម្ភរឿងនេះ ហើយសង្ឃឹមថានឹងបានកុងត្រាថ្មីឆាប់ៗ។

ខ្សែការពារបាននិយាយ៖ "វាមិនមានអីថ្មីទេ។ ខ្ញុំមើលទូរស័ព្ទខ្ញុំច្រើនដងដែរ តែនៅមិនទាន់ដំណើរការទៅមុខនៃការចរចាកុងត្រាថ្មី។ វាគឺជារឿងសំខាន់ ដែលដោះស្រាយរឿងអ៊ីចឹងៗឲ្យចប់សព្វគ្រប់មុន World Cup។ យ៉ាងនេះក្ដី ទោះជាមិនបានកុងត្រាថ្មីឲ្យមុនកម្មវិធីហ្នឹង ក៏វាមិនអីដែរសម្រាប់ខ្ញុំ ព្រោះដំណើរការចរចាកុងត្រាបានប្រព្រឹត្តិប៉ុន្មានខែទៅហើយ។ បើតាមគំនិតខ្ញុំ ខ្ញុំនឹងបានកុងត្រាថ្មី"។

សូមបញ្ជាក់ផងដែរ Umtiti បានចាកចេញពី Lyon ទៅចូលរួមជាមួយ Barcelona កាលពីឆ្នាំ ២០១៦ ហើយបានបង្ហាញទម្រង់លេងល្អឲ្យក្លឹបថ្មីខ្លួន។ កីឡាករបារាំងបានបង្ហាញខ្លួនឲ្យក្លឹបអ្នកមានបុណ្យបាន ៨៣ ប្រកួតហើយគិតមកទល់ពេលនេះ។