ទិញឡានមួយទឹកជិះ ប៉ះចំអ្នកលក់ធ្វើស៊ីពណ៌ឡានច្បាស់ទឹកភ្នែកមិនខាន

2018-05-30 02:42:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំនោរនៃការពេញនិយមឡានមួយទឹកកាន់តែមានការកើនឡើង អ្នកប្រើប្រាស់មួយចំនួនក៏ច្រើនតែជ្រើសរើសទៅលើពណ៌ឡានពេញនិយមជិះ ពណ៌មានហុងស៊ុយ ងាយស្រួលលក់ចេញ គួបផ្សំជាមួយភាពស្រស់ស្អាត បន្ទាប់ពីមើលលើគុណភាពរបស់ឡានទាំងនោះ។

នេះបើតាមអ្នករកស៊ីឡានមួយរូបសូមមិនបញ្ចេញឈ្មោះ បានប្រាប់ Sabay ថាឡានមួយទឹកភាគច្រើនអ្នករកស៊ីគួកជេរតែងយកមកធ្វើឲ្យស្អាត ទោះបីជាឡាននេះមានច្រេះក៏ដោយព្រោះចង់តម្រូវចិត្តអ្នកទិញ។

ដោយសារអ្នកទិញជាច្រើនតែងមករកតែពណ៌ពេញនិយមជិះ ដូចនេះធ្វើឲ្យអ្នកលក់តែងយមឡានមានពណ៌ផ្សេង មកប្ដូរដាក់ពណ៌ពេញនិយមវិញដូចជា ពណ៌ស ទឹកប្រាក់ ទឹកមាស ជាដើម ព្រោះថាពេលនាំចូលមកដំបូងក្រដាសពន្ធពុំមានបញ្ជាក់ពីពណ៌ឡានឡើយ។

ព្រោះអាចធ្វើឲ្យពួកគេចំណេញច្រើន ចំពោះតម្លៃពីពណ៌ស ទៅពណ៌ទឹកមាស ខុសគ្នាប្រមាណជា ១ ៥០០ ទៅ ២ ០០០ ដុល្លារ និងពីពណ៌ទឹកមាស ទៅ ពណ៌ទឹកប្រាក់ខុសគ្នាប្រមាណជា ១ ០០០ ទៅ ១ ៥០០ ដុល្លារ សម្រាប់ស៊េរីឆ្នាំ គុណភាព និង Option តែមួយ ។

លោកបន្តថាឡានប្រភេទនេះអ្នកទិញប្រើប្រាស់មិនបានយូរប៉ុន្មានឡើយ និងមានពណ៌ស្លេក ស្លក់ របកទឹកថ្នាំ មិនដូចទឹកថ្នាំហ្ស៊ីនទេ។

ចំពោះការប្ដូរវិញ លោក គង់ឡាយ ម្ចាស់យានដ្ឋាន គង់ ឡាយ បានប្រាប់ថាប្ដូរពីពណ៌ផ្សេងៗ ទៅពណ៌ពេញនិយមដូចជាពណ៌ស ពណ៌ទឹកមាស និងពណ៌ទឹកប្រាក់ មានតម្លៃចន្លោះ ៦០០ ទៅ ៧០០ ដុល្លារ សម្រាប់ ឡាន Lexus និង Highlander មិនពីពណ៌កាំមៃ និងតម្លៃ ៥០០ ទៅ ៦០០ ដុល្លារ សម្រាប់ឡាន Prius, Camryបានឡែន ឬ ឆ្លាម។