កម្មវិធីថ្មី អាចគ្រប់គ្រងខួរក្បាល ល្មមធ្វើឲ្យ Zuckerberg និង Elon Musk ចុកឈាម

2018-06-01 10:03:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន ក្រុមហ៊ុនមួយចំនួនកំពុងប្រកួតប្រជែងគ្នា ដើម្បីភ្ជាប់ចិត្តគំនិតមនុស្ស ទៅកាន់ម៉ាស៊ីន ដោយប្រើបែបបទមួយ ហៅថា Brain-computer interface ដោយបញ្ចូលមុខងាររបស់ Laptop ទៅកាន់ខួរក្បាល ផ្ដល់វិធីសម្រាប់មនុស្សទំនាក់ទំនងជាមួយអ្វីមួយចង់បាន។

តាំងពីមុនមក Elon Musk និង Mark Zuckerberg មានការឈានមុខគេលើការប្រជែងស្វែងរក ជាមួយនឹងគម្រោង Neuralink និង Building 8 តែតម្រូវមានការវះកាត់ខួរក្បាល។

ទាក់ទងនឹងការបកប្រែទិន្នន័យពី Brainwaves (រលកសញ្ញារំញោចពីខួរក្បាល) ទៅជាការបញ្ជាធម្មតាមួយ អាចដំណើរការក្នុងកម្មវិធី ឬ Device មានក្រុមហ៊ុនផ្ដួចផ្ដើមមួយហៅថា Nuro កំពុងដើរលើផ្លូវនេះ ដោយសង្ឃឹមថា Software Platform ខ្លួនអាចផ្ដល់សមត្ថភាពដល់អ្នកជំងឺ ដែលបានបាត់បង់សមត្ថភាព អាចទំនាក់ទំនងជាមួយគេឯងបាន ។

អ្នកស្រាវជ្រាវផ្សេងៗថា គំនិតនេះសាមញ្ញ និងមានមុខងារតិច តែងាយស្រួលក្នុងការសាកល្បងអនុវត្ត។

បើផលិតផលរបស់ Nuro ជោគជ័យក្នុងទីផ្សារដំបូងនេះ ក្រុមហ៊ុនមានគម្រោងពង្រីកបច្ចេកវិទ្យា និងសាកល្បងកាន់តែទូលំទូលាយក្នុងរថយន្ត និងផ្ទះ។ ហើយអនាគត អាចផ្សារភ្ជាប់ចិត្តគំនិត និងខួរក្បាលបាន។

ការទំនាក់ទំនងជាមួយគំនិត

Nuro បានចេញជំនាន់កម្មវិធីជាលើកដំបូងហៅថា Nuos ដែលរចនាឡើងផ្ដល់ជាសំឡេងមួយ ទៅកាន់មនុស្ស ដែលធ្លាប់មានរបួសខួរឆ្អឹងខ្នង ឬជំងឺនានា ដែលមិនអាចធ្វើការទំនាក់ទំនងបាន ដូចពីមុន។

នាយកប្រតិបត្តិ Nuro និងស្ថាបនិក Francois Gand ប្រមើលមើលប្រព័ន្ធនេះប្រើដំបូងក្នុងមន្ទីរពេទ្យ អាចអនុញ្ញាតអ្នកជំងឺដឹងលឺតែមិនអាចធ្វើចលនាឆ្លើយតបវិញ សម្រេចការងារមួយចំនួនដូចជាស្នើយកទឹកមួយកែវ ឬចាក់តន្ត្រីលើ Smart Speaker របស់ Amazon Echo។

Gand បានសាកល្បងប្រើ Tool ជាមួយអ្នកជំងឺម្នាក់ ហើយថ្មីៗនេះ បានបង្ហាញរបៀបដែលអ្នកប្រើប្រាស់ Nuro អាចទំនាក់ទំនងជាមួយបច្ចេកវិទ្យាដោយប្រើប្រាស់ Tablet។ អេក្រង់បានបែកចែកជាចំណុចប្រអប់ៗ ជាមួយ icons និងសារសរសេរទុកជាមុន បង្ហាញឃ្លាបញ្ជាដូចជា I need water ឬ I'm feeling cold ហើយអ្នកប្រើប្រាស់ងាយស្រួលចុច ឬជ្រើសរើស ប្រអប់ណាមួយ។

គំនិតនេះ ដូចគ្នានឹងការអនុវត្ត ដែលប្រើអេក្រង់បង្ហាញទិន្នន័យភ្លាមៗនៃសកម្មភាពខួរក្បាល ដើម្បីសម្រេចការងារដូចជា លេងហ្គេមសាមញ្ញ ដើម្បីជំរុញកម្រិតគ្រប់គ្រង Brainwaves បានល្អប្រសើរ។

អ្នកប្រើប្រាស់ Nuos អាចប្រើប្រាស់បច្ចេកទេសនោះ ដើម្បីវាយបញ្ចូលសារ ដោយប្រើ Keyboard លើអេក្រង់។

OS ដំណើរការលើ Brainwaves

នេះក៏មិនមែនថ្មីទាំងស្រុងដែរ ដោយ Intel បានដំឡើងបំពាក់សម្រាប់លោក Stephen Hawking ដោយបានសាកល្បង Caps (មួកពាក់លើក្បាលមាន Sensor ចាប់ចលនារំញោច) ផ្អែកលើបច្ចេកវិទ្យា EEG តែដោយសារអាយុ និងកម្រិតជំងឺ ធ្វើឲ្យ Caps មិនអាចទទួលបានរលកសញ្ញាខួរក្បាលខ្លាំងគ្រប់គ្រាន់ ដើម្បីបំពេញមុខងារបានត្រឹមត្រូវ។ បច្ចេកវិទ្យា EEG មានសក្ដានុពល ជួយដល់មនុស្សពិការរាប់ពាន់នាក់។

Gand បង្ហាញថាបច្ចេកវិទ្យា Nuro ដែលជាប្រព័ន្ធប្រតិបត្តិការ ដំណើរការលើ Brainwaves អាចពង្រីកដាក់ដំណើរការក្នុងផ្ទះ និងរថយន្ត ដែលជាចំណុចចាប់អារម្មណ៍របស់ក្រុមហ៊ុនផលិតរថយន្ត។ កាលខែមករា ក្រុមហ៊ុន Nissan បានបង្ហាញថាខ្លួនកំពុងធ្វើការលើមុខងារជួយដល់អ្នកបើកបរ បញ្ចៀសការប៉ះទង្គិច ដោយប្រើទិន្នន័យ EEG។

Device បំពាក់ប្រើក្នុងខ្លួន និងខួរក្បាល អាចជាគំនិតសម្រាប់ជំហានបន្ទាប់។

ឆ្នាំមុនលោក Zuckerberg ថា Facebook កំពុងធ្វើការលើបច្ចេកវិទ្យា Brain-computer interface ដែលថ្ងៃណាមួយអាចឲ្យមនុស្សទំនាក់ទំនងប្រើត្រឹមចិត្តគំនិត។

ទោះ Brain-computer interface ដំណើរការលើ EEG ឬ អ្វីមួយក៏ដោយ បើក្រុមហ៊ុនទីមួយអាចសម្រេចជាលទ្ធផលបាន នឹងល្បីខ្លាំងមិនខាន។

គម្រោងស្រាវជ្រាវរបស់ Neuralink នឹងធ្វើការសាកល្បងប្រើសត្វកណ្ដុរ ខណៈ Facebook មិនទាន់មានគម្រោងសាកល្បងជាមួយសត្វនោះទេ។

ក្រៅពីការអនុញ្ញាតឲ្យអ្នកជំងឺអសមត្ថភាព អាចទំនាក់ទំនង ហើយក៏អាចត្រួតពិនិត្យតាមដានពីចម្ងាយបានផងដែរ។ នេះល្អ អាចផ្ដល់ជាដំណឹង ពេលមានករណីត្រូវការសង្គ្រោះបន្ទាន់។

កម្មវិធីក៏អាចប្រមូលទិន្នន័យលើសកម្មភាពខួរក្បាល រួមទាំងកម្រិតនៃរលកកម្រិតខួរក្បាលនានា ផ្សារភ្ជាប់ជាមួយការភ្ញាក់ និងការគេង ទុកជាមុនផងដែរ៕