បងប្អូនពីរនាក់ អង្គុយចាំតាំងពីម៉ោង ៣ ភ្លឺ ទម្រាំបាន iPhone X បញ្ចុះតម្លៃ ៥០%

2018-06-03 05:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារស្រលាញ់និងគាំទ្រ Apple បងប្អូនពីរនាក់សុខចិត្តអង្គុយចាំមួយយប់ទល់ភ្លឺ ដើម្បីបានទិញទូរសព្ទ iPhone X ដែលខ្លួនស្រលាញ់ជាយូរមកហើយ។

យុវជន ស៊ីម តារា បានឲ្យ Sabay ដឹងថា រូបគេនឹងបងស្រីប្រាថ្នាចង់ទិញ iPhone X យូរហើយ តែដោយសារលុយអត់គ្រប់ ដល់ពេលឃើញគេប្រកាសថាដាក់លក់ iPhone X បញ្ចុះតម្លៃ 50% អីចឹងទៅ ពីរនាក់ប្អូនសុខចិត្តអត់ដេក មកឈរចាំចាប់លេខរៀងតាំងពីម៉ោង ៣ រំលងអាធ្រាត្រ ខ្លាចគេដណ្ដើមបានលេខមុន។

យុវជនរូបនេះ បន្តថា ទោះបីជារាងខ្សោះអស់កម្លាំងបន្តិចមែន តែសប្បាយចិត្តព្រោះក្ដីប្រាថ្នារបស់គេបានសម្រេច។ ចំណែកបងស្រីតារា បាននិយាយទាំងទឹកមុខរីករាយថា ត្បិតតែត្រូវចាំរាប់ម៉ោងពិតមែន ប៉ុន្តែមិនជាបញ្ហាទេព្រោះបានរបស់ដែលខ្លួនស្រលាញ់។ "ខ្ញុំយក iPhone X 256GB ជាមួយតម្លៃចុះ 50% ទាំងពីរនាក់បងប្អូន "។

បញ្ជាក់ដែរថា ក្រៅពីនោះក៏មានអ្នកឈរចាំទិញ iPhone X បញ្ចុះតម្លៃនេះដូចគ្នា ដោយគេគិតយក ១៥ នាក់ដំបូងអាចទិញរបស់បាន 50% ក្នុងនោះ ៥ នាក់ដំបូងអាចមានសិទ្ធទិញផលិតផល Apple ទាំងអស់លើកលែងតែកុំព្យូទ័រ Mac ប៉ុណ្ណោះ ចំណែក ១០ នាក់ទៀតអាចទិញបាន accessories ជាច្រើននៅក្នុង iOne និងលើកលែងតែផលិតផល Apple៕