ចេញទៅក្រៅម្ដងៗ De Bruyne ស្លៀកសាមញ្ញៗ តែថ្លៃខោអាវនោះវិញមិនទាបនោះទេ

2018-06-06 13:01:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធ Kevin De Bruyne ច្រើនត្រូវបានប្រទះឃើញក្នុងសំលៀកបំពាក់បែបសាមញ្ញ នៅពេលចេញទៅក្រៅម្ដងៗ។ ទោះជាយ៉ាងនេះក្ដី តម្លៃខោអាវទាំងនោះមិនថោកនោះទេ។

បើតាមការទម្លាយរបស់ The Sun ដូចបានឃើញខាងក្រោម អាវធំបែប Hoodie ពណ៌ខ្មៅមានរូបបក្សីចំនួន ២ ក្បាលនៅកណ្ដាលនេះ របស់កីឡាករបែលហ្សិកមានតម្លៃដល់ទៅ ៣៣៥ ផោន (ជិត ៤៥០ ដុល្លារសហរដ្ឋអាមេរិក) ខណៈស្បែកជើងម៉ូត Nike X Off-White Air Max 97 Trainers ដែលមានតម្លៃ ១៨០ ផោន (ជាង ២៤០ ដុល្លារសហរដ្ឋអាមេរិក)។

កន្លងទៅ កីឡាករ De Bruyne ក៏ត្រូវបានប្រទះឃើញដែរថាបានពាក់អាវធំបែប Hoodie មួយម៉ូតទៀត មានពណ៌ប៉ារ៉ា។ អាវនេះត្រូវបាន The Sun រាយការណ៍ថាមានតម្លៃ ៦៧៥ ផោន (ជាង ៩០០ ដុល្លារសហរដ្ឋអាមេរិក)។

អាវចាក់មួយ និងស្បែកជើងមួយគូទៀតរបស់កីឡាកររូបនេះក៏មិនធូរថ្លៃប៉ុន្មានដែរ។ អាវនោះមានតម្លៃដល់ទៅ ៧០០ ផោន (ជាង ៩៤០ ដុល្លារសហរដ្ឋអាមេរិក) ខណៈស្បែកជើងម៉ូត Christian Louboutin Pik Boat Loafers ក៏មានតម្លៃដូចគ្នានឹងអាវផងដែរ។

ចំណែកអាវយឺតសាមញ្ញពណ៌ខ្មៅនេះវិញមានតម្លៃដល់ទៅ ៣៤៥ ផោន (ជាង ៤៦០ ដុល្លារសហរដ្ឋអាមេរិក)។

ក្រឡេកមើលមួយឈុតទៀត ដែល De Bruyne ធ្លាប់ស្លៀកកន្លងមក។ ចំពោះអាវចាក់ មានតម្លៃ ៦០០ ផោន (ជាង ៨០០ ដុល្លារសហរដ្ឋអាមេរិក) រីឯខោខោវប៊យ Balmain Skinny Jeans វិញ មានតម្លៃដល់ទៅ ១០៦០ ផោន (ប្រមាណ ១៤២២ ដុល្លារសហរដ្ឋអាមេរិក)។