ចោរលួចចូលផ្ទះរបស់ Pique និង Shakira យកបានរបស់មានតម្លៃមួយចំនួន
- 2018-06-07 07:21:27
- ចំនួនមតិ 0 | ចំនួនចែករំលែក 0
ចោរលួចចូលផ្ទះរបស់ Pique និង Shakira យកបានរបស់មានតម្លៃមួយចំនួន
ចន្លោះមិនឃើញ
ជនមិនស្គាល់មុខបានចូលលួចសម្ភារៈមានតម្លៃនៅក្នុងគេហដ្ឋានរបស់ខ្សែការពារ Gerard Pique និងភរិយាជាតារាចម្រៀងShakira ដែលមានទីតាំងនៅតំបន់ Esplugues de Llobregat ប្រទេសអេស្ប៉ាញកាលពីម្សិលមិញ។
ឪពុកម្ដាយរបស់ Piqueបានប្រាប់ឲ្យដឹងថា ពួកគេបានគេងលង់លក់ក្នុងផ្ទះ ពេលដែលចោរលួចចូលនៅកណ្ដាលអាធ្រាត្រ។ ប្រភពពីប៉ូលិសប្រចាំតំបន់បានបញ្ជាក់ថា ពួកគេកំពុងស៊ើបអង្កេតលើករណីដែលបានកើតឡើងនេះ ខណៈមិនទាន់ចាប់បាននរណាម្នាក់នៅឡើយទេ។
ចោរកម្មនេះ ត្រូវបានគេដឹងថា ប្រព្រឹត្តិដោយចោរជំនាញ ព្រោះគេមិនបានទុកស្លាកស្នាមម្រាមដៃសូម្បីបន្តិចឡើយ។ សម្ភារៈដែលបាត់បង់មាន នាឡិកានិងគ្រឿងអលង្ការមានតម្លៃមួយចំនួន។ ក្នុងហេតុការណ៍នេះ Pique មិនបាននៅផ្ទះទេ កំពុងស្ថិតក្នុងជំរុំហ្វឹកហាត់ជាមួយជម្រើសជាតិអេស្ប៉ាញ ឯ Shakira ទៅសម្ដែងនៅអាល្លឺម៉ង់៕