ដើម្បីសន្សំសំចៃអគ្គិសនី Microsoft យកមជ្ឈមណ្ឌលផ្ទុកទិន្នន័យដាក់ចូលក្នុងបាតសមុទ្រ

2018-06-08 08:16:34
ចំនួនមតិ 0 | ចំនួនចែករំលែក 0

ចន្លោះមិនឃើញ

មជ្ឈមណ្ឌលផ្ទុកទិន្នន័យមួយ ត្រូវបានក្រុមហ៊ុន Microsoft ទម្លាក់ចូលក្នុងបាតសមុទ្រនៃប្រទេសស្កុតឡែន។ ការធ្វើដូច្នេះ គឺជាដំណើរការសាកល្បងអំពីលទ្ធភាពរក្សាភាពត្រជាក់នៃមជ្ឈមណ្ឌលផ្ទុកទិន្នន័យ។

ជាទូទៅ មជ្ឈមណ្ឌលផ្ទុកទិន្នន័យ បានបង្កើតជារលកកម្ដៅខ្លាំង ដូច្នេះហើយទើបក្រុមហ៊ុនធំៗមួយចំនួនព្យាយាមរំកិលមជ្ឈមណ្ឌលទាំងនោះទៅកាន់ប្រទេសដែលមានសីតុណ្ហភាពត្រជាក់ ក្នុងគោលបំណងសន្សំសំចៃថ្លៃវិក្កយបត្រអគ្គិសនី។

ការទម្លាក់មជ្ឈមណ្ឌលចូលក្នុងបាតសមុទ្ររបស់ Microsoft នេះ នឹងប្រើរយៈពេលសាកល្បងចំនួន ៥ឆ្នាំ ហើយវានឹងបំពាក់គ្រាប់រ៉ុកកែតទិន្នន័យចំនួន ១២ ដែលមានបណ្ដាញ server ៨៦៤ រួមទាំងទំហំអង្គផ្ទុកទិន្នន័យ ២៧,៦ petabyte (១ petabyte ស្មើនឹង ១លាន gigabyte)។ មជ្ឈមណ្ឌលនេះ នឹងតភ្ជាប់ថាមពល ដោយប្រើខ្សែកាបក្រោមសមុទ្រ និងប្រភពថាមពលកកើតឡើងវិញពីកោះ Orkney ក្នុងប្រទេសស្កុតឡែន។

សូមបញ្ជាក់ថា នេះមិនមែនជាការតេស្តលើកដំបូងឡើយរបស់ Microsoft។ ដំណើរការសាកល្បងនេះ ប្រព្រឹត្តឡើងតាំងពី៥ឆ្នាំមុនមកម៉្លេះ ដោយក្នុងនោះការទម្លាក់មជ្ឈមណ្ឌលផ្ទុកទិន្នន័យចូលសមុទ្រចុងក្រោយគឺនៅឆ្នេររដ្ឋ California ក្នុងឆ្នាំ២០១៥៕