មកស្គាល់ ទាហានពាក់ឈ្នួតក្បាលដំបូងគេបង្អស់ក្នុងពិធីដើរក្បួននៅអង់គ្លេស

2018-06-10 04:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាហានកាន់សាសនា Sikh ម្នាក់បានក្លាយជាមនុស្សដំបូងគេបង្អស់ដែលពាក់ឈ្នួតក្បាលក្នុងពិធីដើរក្បួននៅអង់គ្លេស។

ទាហានវ័យ ២២ឆ្នាំឈ្មោះ Charanpreet Singh Lall បានធ្វើឲ្យគ្រប់គ្នាភ្ញាក់ផ្អើលយ៉ាងខ្លាំង នៅក្នុងពិធីចម្រើនព្រះជន្មមហាក្សត្រីអង់គ្លេស កាលពីថ្ងៃសៅរ៍។ ខណៈពេលដែលទាហានជាង ១ពាន់នាក់ផ្សេងទៀតមួករោម (Bearskin) លោក Chanranpreet ជាទាហានតែម្នាក់គត់ដែលពាក់ឈ្នួតក្បាលខុសពីគេ។

បុរសរូបនេះឲ្យដឹងថា "ខ្ញុំសង្ឃឹមថាមនុស្សគ្រប់គ្នាកំពុងមើលមកខ្ញុំ ហើយនឹងដឹងថានេះជាការផ្លាស់ប្ដូរប្រវត្តិសាស្ត្រថ្មី។ ខ្ញុំសង្ឃឹមថានឹងមានមនុស្សច្រើនទៀតដូចខ្ញុំអ៊ីចឹង មិនមែនតែសាសនា Sikhs ប៉ុណ្ណោះទេ ប៉ុន្តែមនុស្សមកពីគ្រប់សាសនា និងជីវប្រវត្តិទាំងអស់ត្រូវបានលើកទឹកចិត្តឲ្យធ្វើទាហាន។”

គួរបញ្ជាក់ថា កាលពីថ្ងៃសៅរ៍ម្សិលមិញនេះ គឺជាថ្ងៃចម្រើនព្រះជន្មមហាក្សត្រី Elizabeth II ដែលមានការដើរដង្ហែក្បួនពីទាហានរាប់ពាន់នាក់ផងដែរ៕