Laptop ប្រើយូរដើរកាន់តែស្ទក់ គួរប្តូរថ្មីឬគ្រាន់តែដោះដូរគ្រឿងចាស់ចោលខ្លះ?

2018-06-12 07:39:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេល Laptop របស់អ្នកដើរស្ទក់ឬមានបញ្ហា អ្នកត្រូវមានការសម្រេចចិត្តថាតើគួរ Upgrade ឬប្ដូរថ្មី។ ការសម្រេចចិត្តណាមួយ ទាក់ទងកញ្ចប់លុយ។ គ្រឿង Laptop មិនងាយប្ដូរដូចកុំព្យូទ័រ Desktop នោះទេ។ យ៉ាងណាអ្នកត្រូវរកដំណោះស្រាយចុងក្រោយ បើមិនចឹងអ្នកនឹងពិបាកធ្វើការជាមិនខាន។

Laptop យឺតខ្លាំង

CPU និង RAM គឺជាផ្នែក Hardware ទាក់ទងល្បឿនកុំព្យូទ័រ។ គ្រឿងទាំងអស់នេះអាចផ្លាស់ប្ដូរបាន តែមិនងាយស្រួលនោះទេ ព្រោះត្រូវការដោះផ្នែកមួយចំនួនរបស់ Laptop ជាពិសេស CPU ដោយសារភាគច្រើនវានៅជាប់នឹង Board តែមេម៉ូរី មិនជាបញ្ហាទេ។

ពិនិត្យ Storage មាននៅសល់ប៉ុន្មាន

Hard drive សល់ Space តិចពេក អាចធ្វើឲ្យការបើកកម្មវិធីយឺត ឬ File ចំណាយពេលយូរ ក្នុងការរក្សាទុក។ ស្វែងរក និងសម្អាត File ឬ កម្មវិធីណាដែលមានទំហំធំលែងប្រើ ហើយបើគិតថាចង់ទុក គួរដាក់ក្នុង External Hard Drive ជំនួសវិញ។

លុប Junk File (ទិន្នន័យចាស់ៗដែលកម្មវិធីនានាប្រើសម្រាប់បង្កើនល្បឿន)

ទំហំ File ប្រភេទនេះក៏មិនតូចដែរ អាចបង្កឲ្យ Hard drive ឆាប់ពេញ ឬ កម្មវិធីគាំង ឬចំណាយពេលយូរក្នុងការប្រតិបត្តិការការងារ។

ព្យាយាមសម្អាត Cache ក្នុងកម្មវិធី Browser តែអាចធ្វើឲ្យយឺតដល់ការបើកទំព័រជាងមុនបន្តិច។ មួយវិញទៀត អាចប្រើកម្មវិធីពីក្រៅដូចជា CCleaner ដើម្បីជួយសម្អាត File មិនសំខាន់ៗក្នុងប្រព័ន្ធ Windows ដែលកើតមានដោយសារការប្រើប្រាស់ប្រចាំថ្ងៃ។

សម្រួល Hard Drive

File បានបន្ថែម ឬលុបស្ទើររាល់ថ្ងៃពី Hard drive អាចបង្កឲ្យរចនាសម្ព័ន្ធទិន្នន័យ ប្រែជារញ៉េរញ៉ៃ បន្ថយល្បឿន Read និង Write បាន។

អាចប្រើ Tool ដូចជា Degraggler ដែលអាចជួយរៀបចំទិន្នន័យលើ Hard Drive។ តែបើ Laptop ប្រើ SSD អាចរំលងចំណុចនេះបាន។

ត្រូវការ Storage បន្ថែម

បើទំហំ Storage ក្នុង Laptop មិនគ្រប់គ្រាន់ អាចប្រើ External hard drive ជំនួយបន្ថែម តែបើកម្មវិធីធំៗ ឬទិន្នន័យចាំបាច់ត្រូវប្រើភ្លាមៗពីក្នុងម៉ាស៊ីន ប្រហែលត្រូវការផ្លាស់ប្ដូរ Storage ប្រើទំហំធំជាងមុន។

អេក្រង់ Laptop យ៉ាប់

អេក្រង់ដំណើរការមិនល្អ ផ្ដល់ពណ៌ពន្លឺខុសប្រក្រតី ពិបាកមើល អាចប៉ះពាល់ដល់ភ្នែក។ ករណីនេះកម្រជួសជុលបានណាស់ ភាគច្រើនគឺត្រូវប្ដូរថ្មីតែម្ដង។ បើមាន Monitor នៅផ្ទះ អាចដោតភ្ជាប់ប្រើតែនឹងធ្វើឲ្យ Laptop ក្លាយជា Desktop។

Laptop សាកថ្មអត់ចូល

បញ្ហានេះ អាចមកពីខ្សែសាក ឬថ្ម Laptop នេះគ្មានអ្វីក្រៅពីផ្លាស់ប្ដូរចោលនោះទេ។

ការសាកល្បងរកបញ្ហា ដោយដោះថ្ម Laptop ចេញ រួចដោតសាកថ្ម បើកប្រើធម្មតា បើបានមានន័យថា ថ្មខូចហើយ។ ចំពោះខ្សែសាកថ្ម អាចខ្ចីរបស់នរណាម្នាក់មកសាកប្រើមើល បើបាន មានន័យថាខ្សែសាកថ្មខូច។

ខាងលើនេះ បង្ហាញពីសមាសធាតុអាច Upgrade បាន មុនពេលឈានដល់ការផ្លាស់ប្ដូរ Laptop ថ្មី។ តែបើអ្នកមានគម្រោង និងបានសម្រេចចិត្តរួចរាល់ក្នុងការទិញថ្មីតែម្ដង គួររីករាយនឹងបច្ចេកវិទ្យាចុងក្រោយបានផ្ដល់ឲ្យ៕