ដូណាល់ ត្រាំ មានឱកាសខ្ពស់ ឈ្នះពានរង្វាន់ណូបែលសន្តិភាព ក្រោយកិច្ចប្រជុំកំពូល

2018-06-13 03:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱកាសនៃការឈ្នះពានរង្វាន់ណូបែលសន្តិភាព របស់ប្រធានាធិបតីអាមេរិក ដូណាល់ ត្រាំ បានកើនឡើងយ៉ាងខ្លាំង បន្ទាប់ពីកិច្ចប្រជុំកំពូលជាមួយមេដឹកនាំកូរ៉េខាងជើង។

លោក ត្រាំ កំពុងមានសង្ឃឹមខ្ពស់ខ្លាំង ក្នុងការទទួលបានពានរង្វាន់នេះនៅក្នុងខែធ្នូ។ ប្រសិនបើវាកើតឡើងពិតមែន នោះលោកនឹងត្រាប់តាមសមិទ្ធផលរបស់អតីតប្រធានាធិបតីអាមេរិក លោក បារ៉ាក់ អូបាម៉ា ដែលបានឈ្នះពានរង្វាន់ណូបែលសន្តិភាព កាលពីឆ្នាំ២០០៩។

អ្នកឈ្នះផ្សេងៗទៀតពីមុនមក រួមមានដូចជា អ្នកម៉ែ Teresa, អតីតប្រធានាធិបតីអាហ្វ្រិកខាងត្បូង លោក Nelson Mandela, សកម្មជនប៉ាគីស្ថាន នាង Malala Yousafzai និង ក្រុមលុបបំបាត់អាវុធនុយក្លេអ៊ែរ International Campaign to Abolish Nuclear Weapons ជាដើម។

សូមរំលឹកឲ្យដឹងថា កិច្ចប្រជុំកំពូល កាលពីព្រឹកថ្ងៃអង្គារ ទី១២ ខែមិថុនា ឆ្នាំ២០១៨ ម្សិលមិញ រវាងប្រធានាធិបតីអាមេរិក លោក ដូណាល់ ត្រាំ និង មេដឹកនាំកូរ៉េខាងជើង លោក គីម ជុងអ៊ុន បានបញ្ចប់ទៅយ៉ាងរលូន ដោយមានការចុះហត្ថលេខាលើកិច្ចព្រមព្រៀងរួមគ្នា និងសម្រេចបានលទ្ធផលធំៗចំនួន ៤ ចំណុច៕