Hazard គិតថាក្រុមគេអាចបំបាក់ប្រេស៊ីល បារាំងនិងបន្តឈ្នះអង់គ្លេសលើកពាន WC
- 2018-06-13 04:57:07
- ចំនួនមតិ 0 | ចំនួនចែករំលែក 0
Hazard គិតថាក្រុមគេអាចបំបាក់ប្រេស៊ីល បារាំងនិងបន្តឈ្នះអង់គ្លេសលើកពាន WC
ចន្លោះមិនឃើញ
Eden Hazard ខ្សែប្រយុទ្ធរបស់ Chelsea បានធ្វើការទស្សន៍ទាយថា ជម្រើសជាតិបែលហ្សិកនឹងឡើងផ្ដាច់ព្រ័ត្រជួបអង់គ្លេស ហើយអាចបំបាក់តោកំណាចលើកពាន World Cup 2018។
បង្ហោះរូបលើបណ្ដាញសង្គម Instagram កីឡាករជើងស៊ុតHazard បានជ្រើសរើសក្រុមនីមួយៗដែលអាចឡើងមកវគ្គចាញ់ធ្លាក់។ កីឡាករវ័យ២៧ឆ្នាំនឹងរ៉ាប់រងធ្វើជាប្រធានក្រុមនៃរជ្ជកាលមាសរបស់បែលហ្សិក ហើយមានទំនុកចិត្តថា ក្រុមគេនឹងអាចគ្រងពាន World Cup ឆ្នាំនេះ។ ជ្រើសរើសក្រុមក្នុងកម្មវិធីកីឡាមួយ Hazard ទាយថា បែលហ្សិកនឹងទម្លាក់ប៉ូឡូញនៅវគ្គ១៦ក្រុម រួចបន្តយកឈ្នះប្រេស៊ីលនៅវគ្គ៨ក្រុម។ ឡើងទៅវគ្គ៤ក្រុម កីឡាករល្បឿនលឿនគិតថា អាចជួបបារាំងហើយអាចយកឈ្នះ ឡើងទៅវគ្គផ្ដាច់ព្រ័ត្រជួបអង់គ្លេសតែម្ដង។
World Cup 2018 បែលហ្សិកស្ថិតនៅពូល G ជាមួយ ប៉ាណាម៉ា ទុយណេស៊ីនិងអង់គ្លេស។ព្រឹត្តិការណ៍ដែលរៀបចំ៤ឆ្នាំម្ដងនេះ នឹងចាប់ផ្ដើមប្រកួតចាប់ពីថ្ងៃស្អែកតទៅ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
