ជុំវិញការផ្សាយ World Cup 2018 ក្រសួងព័ត៌មានចេញសេចក្ដីជូនដំណឹងបន្ទាន់មួយ
- 2018-06-13 11:52:17
- ចំនួនមតិ 0 | ចំនួនចែករំលែក 0
ជុំវិញការផ្សាយ World Cup 2018 ក្រសួងព័ត៌មានចេញសេចក្ដីជូនដំណឹងបន្ទាន់មួយ
ចន្លោះមិនឃើញ
ខណៈការប្រកួតបាល់ទាត់ពិភពលោក World Cup 2018 នឹងមកដល់នៅថ្ងៃស្អែកនេះហើយនោះ នៅថ្ងៃនេះ ស្រាប់តែលេចចេញនូវ សេចក្ដីជូនដំណឹងបន្ទាន់មួយរបស់ក្រសួងព័ត៌មានជុំវិញសិទ្ធិផ្សាយបន្តផ្ទាល់ការប្រកួតដ៏កក្រើកពិភពលោកមួយនេះ របស់ប្រព័ន្ធផ្សព្វផ្សាយក្នុងស្រុក។
តាមកម្មវត្ថុ ដែលមានក្នុងសេចក្ដីជូនដំណឹង គឺថា ក្រសួងបានសម្រេចទទួលស្គាល់សិទ្ធិផ្សាយបន្តផ្ទាល់ផ្ដាច់មុខការប្រកួតបាល់ទាត់ FIFA World Cup 2018 របស់ក្រុមហ៊ុន CBS(Cambodia Broadcasting Co.Ltd) ហើយ តាមលិខិត១៧០១ ព.ម ចេញតាំងពីថ្ងៃទី ៣០ វិច្ឆិកា ២០១៧។ ដំណឹងនេះ ជម្រាបជូនទៅដល់ឯកឧត្តម លោកជំទាវ អ្នកឧកញ៉ា ដែលជាម្ចាស់ទូរទស្សន៍ខ្សែកាបជ្រាបជាព័ត៌មាន។
តាមរយៈកម្មវិធីដដែល ក្រសួងបានសង្កត់ធ្ងន់ថា ក្នុងករណីបើ ឯកឧត្តម លោកជំទាវ អ្នកឧកញ៉ា ជាម្ចាស់ស្ថានីយទូរទស្សន៍ ឬទូរទស្សន៍ខ្សែកាប ដែលទទួលបានសិទ្ធិលើការផ្សាយបន្តការប្រកួតដ៏ធំនេះ ហើយបានបាត់បង់សិទ្ធិ ឬប៉ះពាល់ដល់ផលប្រយោជន៍ស្របច្បាប់ដែលខ្លួនមាន សូមធ្វើលិខិតជំទាស់តវ៉ាមកក្រសួងព័ត៌មាន និងសោតទស្សន៍ ឲ្យបានមុនថ្ងៃទី ១៤ មិថុនា ជាកំហិត។ ពុំនោះទេ ក្រសួងនឹងពុំទទួលដោះស្រាយលើបញ្ហានេះឡើយ៕