អេស្ប៉ាញដេញគ្រូធ្វើឲ្យ Real ចំណេញ ២លានអឺរ៉ូ
- 2018-06-14 01:22:39
- ចំនួនមតិ 0 | ចំនួនចែករំលែក 0
អេស្ប៉ាញដេញគ្រូធ្វើឲ្យ Real ចំណេញ ២លានអឺរ៉ូ
ចន្លោះមិនឃើញ
ក្រុមបាល់ទាត់ជម្រើសជាតិអេស្ប៉ាញបានប្រកាសបណ្ដេញលោក Julen Lopetegui ចេញពីតំណែង បន្ទាប់ពីគ្រូបង្វឹករូបនេះព្រមព្រៀងទៅដឹកនាំ Real Madrid ស្ងាត់ៗមិនបានផ្ដល់ដំណឹងដល់សហព័ន្ធ។
Lopetegui ដែលសល់កុងត្រា២ឆ្នាំទៀតជាមួយអេស្ប៉ាញត្រូវបណ្ដេញចេញយ៉ាងគួរឲ្យភ្ញាក់ផ្អើលកាលពីម្សិលមិញតែប៉ុន្មានថ្ងៃប៉ុណ្ណោះមុនក្រុមរហស្សនាមថាគោជល់ប្រកួតបើកឆាក World Cup នៅរុស្ស៊ី។
យ៉ាងណាការចាកចេញរបស់គ្រូវ័យ៥១ឆ្នាំធ្វើឲ្យ Real ចំណេញ២លានអឺរ៉ូដោយសារក្លឹបមិនចាំបាច់ចំណាយលុយទៅសហព័ន្ធដើម្បីទិញផ្ដាច់កុងត្រាដែលនៅសល់របស់លោក Lopetegui។ ក្លឹបយក្សរបស់អេស្ប៉ាញគ្រោងបង្ហាញមុខអ្នកចាត់ការថ្មីរបស់ខ្លួនមុនការគ្រោងទុកចំពោះមុខអ្នកសារព័ត៌មាននៅថ្ងៃព្រហស្បតិ៍នេះ។
Lopetegui នឹងចុះហត្ថលេខា៣ឆ្នាំ ជាមួយ Real Madrid មានសុពលភាពដល់ឆ្នាំ២០២១។ ក្រោយការបណ្ដេញចេញអតីតអ្នកចាំទីក្រុមរហស្សនាមថាស្ដេច.សបានសម្ដែងការសោកស្ដាយ តែក៏ជូនពរជម្រើសជាតិរបស់ខ្លួនអាចឈ្នះ World Cup លើកនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
