Amazon ហ៊ានឲ្យបុគ្គលិក ៥០០០ ដុល្លារ ដើម្បីឈប់ពីការងារ ព្រោះហេតុផលនេះ
- 2018-06-14 02:50:57
- ចំនួនមតិ 0 | ចំនួនចែករំលែក 0
Amazon ហ៊ានឲ្យបុគ្គលិក ៥០០០ ដុល្លារ ដើម្បីឈប់ពីការងារ ព្រោះហេតុផលនេះ
ចន្លោះមិនឃើញ
រៀងរាល់ពាក់កណ្ដាលរដូវរងារ (ចន្លោះខែមករា-កុម្ភៈ) បុគ្គលិកដែលបម្រើការនៅមជ្ឈមណ្ឌលផ្ដល់សេវាកម្មរបស់ Amazon តែងទទួលបាននូវការផ្ដល់ជូនមួយឈ្មោះថា "Pay to Quit” មានន័យថា យកលុយដើម្បីឈប់ពីការងារ។
បុគ្គលិកដែលទទួលយកការផ្ដល់ជូននេះ អាចបានលុយទៅតាមរយៈពេលនៃឆ្នាំដែលខ្លួនធ្វើការនៅ Amazon ដោយឆ្នាំទីមួយអាចទទួលបាន ២ ០០០ ដុល្លារ និងបូកបន្ថែម ១ ០០០ ដុល្លារជារៀងរាល់ឆ្នាំ រហូតដល់ចំនួនកំណត់ ៥ ០០០ ដុល្លារ។
Lauren Lynch អ្នកនាំពាក្យរបស់ក្រុមហ៊ុន Amazon បានបកស្រាយពីការផ្ដល់ជូននេះថា ៖ "គោលបំណងគឺយើងចង់លើកទឹកចិត្ត ឲ្យគ្រប់គ្នាប្រើពេលបន្តិចដើម្បីគិតអំពីអ្វីដែលពួកគេចង់បាន។ ក្នុងរយៈពេលយូរអង្វែង យើងជឿថាធ្វើការនៅកន្លែងដែលយើងមិនចង់នៅ គឺគ្មានផលល្អចំពោះខ្លួនឯង និងចំពោះក្រុមហ៊ុនឡើយ”។
នៅមជ្ឈមណ្ឌលផ្ដល់សេវាកម្មរបស់ Amazon មានបុគ្គលិកជាង ៦ ០០០ នាក់បម្រើការងារនៅទីនោះ ហើយរយៈពេលច្រើនឆ្នាំមកនេះ មានបុគ្គលិកតិចតួចបំផុតដែលទទួលយកការផ្ដល់ជូននេះ។
Amazon បានទិញយកម៉ូដែលនៃកម្មវិធី "Pay to Quit” នេះពីក្រុមហ៊ុនលក់ស្បែកជើងអនឡាញ កាលពីឆ្នាំ ២០០៩៕