គូដណ្ដឹង Fred មិនត្រឹមមានរូបសម្រស់ស្រស់ផូរផង់នោះទេ ឯសមត្ថភាពវិញពេញខ្លួនតែម្ដង

2018-06-15 13:58:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការចុះផ្សាយរបស់ The Sun គូដណ្ដឹងកីឡាករ Manchester United ថ្មី ខ្សែស្លាប Fred នាង Monique Salum មានកម្រិតវប្បធម៌ខ្ពស់។

Salum បានបញ្ចប់ការសិក្សាពីសាកលវិទ្យាល័យប្រេស៊ីល Belo Horizonte ផ្នែកគីមីវិទ្យា។

សព្វថ្ងៃ នាងធ្វើការជាវិស្វករគីមីនៃមជ្ឈមណ្ឌលសម្រាប់ការអភិវឌ្ឍបច្ចេកវិទ្យានុយក្លេអ៊ែរ។

នាង និង ខ្សែស្លាប Fred បានបើកចំហជាសាធារណៈនូវទំនាក់ទំនងរបស់ពួកគេកាលពីឆ្នាំ ២០១៦ ហើយបានភ្ជាប់ពាក្យកាលពីខែកុម្ភៈឆ្នាំ ២០១៧។ បើផ្អែកតាមរូបភាព Instagram របស់ពួកគេបង្ហោះកន្លងមក ឃើញថាទំនាក់ទំនងហាក់មានភាពស្អិតរមួតណាស់។

ខាងក្រោមជាកម្រងរូបភាពមួយចំនួនអំពីពួកគេទាំងពីរកាលពីពេលកន្លងទៅ៖

សូមបញ្ជាក់ផងដែរ ក្លឹប Manchester United កាលពីដើមខែនេះ បានប្រកាសថាក្លឹបបានព្រមព្រៀងជាមួយ Shakhtar Donetsk ក្នុងការផ្ទេរខ្សែស្លាប Fred ក្នុងតម្លៃប្រមាណ ៥០លានផោន (ជាង ៦៦លានដុល្លារសហរដ្ឋអាមេរិក)។

ខ្សែស្លាបមានឈ្មោះស្ថិតក្នុងចំណោមកីឡាករប្រេស៊ីលដែលនឹងត្រូវលេង World Cup លើកនេះ។ យ៉ាងនេះក្ដី របួសបានធ្វើឲ្យឱកាសដែល Fred បានចូលលេងក្នុងព្រឹត្តិការណ៍ប្រកួតបាល់ទាត់ដ៏ធំនេះ ស្ថិតក្នុងភាពមិនច្បាស់លាស់៕

ប្រភព៖ The Sun ប្រែសម្រួល៖ ហ៊ីម រស្មី