អ្នកជំនាញ៖ "USB នៅវៀតណាម ៨០ភាគរយឆ្លងមេរោគ"

2018-06-16 02:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីរដ្ឋាភិបាលនិងក្រុមអ្នកជំនាញព័ត៌មានវិទ្យា កំពុងព្រួយបារម្ភអំពីអត្រាកើនឡើងនៃមេរោគកុំព្យូទ័រ និងបញ្ហាសន្តិសុខព័ត៌មាននៅវៀតណាម ចំពោះការកើនឡើងមេរោគកុំព្យូទ័រ តាមរយៈ USB Flash។

រូបតំណាង USB Flash

អ្នកជំនាញបានបន្ថែមថា USB រហូតដល់ទៅ ៨០ ភាគរយ(ប្រភពមិនបញ្ជាក់ចំនួន) ក្នុងប្រទេសនេះបានឆ្លងមេរោគ យ៉ាងហោចណាស់ក៏ម្ដងដែរក្នុងមួយឆ្នាំ។ ការព្រួយបារម្ភអំពីសន្តិសុខព័ត៌មានត្រូវបានបង្ហាញនៅក្នុងសន្និសីទមួយដែលត្រូវបានធ្វើឡើងកាលពីថ្ងៃចន្ទទី១១ មិថុនា។

ក្រសួងព័ត៌មាននិងទូរគមនាគមន៍និងសមាគមសន្តិសុខព័ត៌មានវៀតណាម បានធ្វើសន្និសីទនេះឡើងក្នុងបំណងធ្វើការពិភាក្សាយ៉ាងទូលំទូលាយជាមួយមេដឹកនាំឧស្សាហកម្មដើម្បីរកមូលហេតុនិងដំណោះស្រាយចំពោះបញ្ហានេះ។

រូបតំណាង USB Flash

លោក វូ ង៉ុក ស៊ន អនុប្រធានក្រុមហ៊ុនសន្តិសុខអ៊ីនធឺណេត Bkav Corporation បាននិយាយថា ព្រោះសារការទាញយកផលប្រយោជន៍ពីសំណាក់ជនឱកាសនិយម តាមរយៈ USB គឺជាមូលហេតុចម្បងដែលផ្ទុកមេរោគកុំព្យូទ័រច្រើនជាងគេ។

លោកនិយាយថា ការប្រើប្រាស់ ឬខ្ចី USB ពីមនុស្ស “គួរឱ្យទុកចិត្ត” ដោយសន្មតថា វាមិនឆ្លងមេរោគនោះ គឺបានអនុញ្ញាតឱ្យមេរោគឆ្លងរាតត្បាតយ៉ាងរហ័ស និងយ៉ាងទូលំទូលាយ។

យោងតាមក្រុមហ៊ុនសន្តិសុខបច្ចេកវិទ្យា Bkav បានរកឃើញថា មេរោគថ្មីៗចាប់ពី ១ លានទៅ ១,៥ លានត្រូវបានរកឃើញរាល់ថ្ងៃ ហើយសរុបគឺមានមេរោគកុំព្យូទ័រថ្មី ១២,៣ លានលានបានវាយប្រហារ(Hack)ក្នុងឆ្នាំ ២០១៧៕

ប្រភព៖ vnexpres ប្រែសម្រួល៖ រក្សា