បឹងកេតខ្លាំងវាយបករហូតស្មើវិសាខា រក្សាកំណត់ត្រាមិនចាញ់

2018-06-17 10:01:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចំណូលថ្មីវិសាខាពិតជាបង្ហាញភាពខ្លាំងរបស់ខ្លួនមែនតាមរយៈស៊ុតបាល់នាំមុខបឹងកេត ប៉ុន្តែក្រុមការពារតំណែងជើងឯកនេះបានព្យាយាមវាយបករហូតរកបានគ្រាប់បាល់តាមស្មើដើម្បីរក្សាកំណត់ត្រាមិនដែលចាញ់ក្នុងលីគកម្ពុជាឈានដល់សប្តាហ៍ទី១០។

ក្រុមបឹងកេត

ការប្រកួតរយៈវគ្គទី១ គ្រាប់បាល់បានកើតមានឡើងតែមួយគត់ដោយកីឡាករកូរ៉េខាងជើង Choe Myong-ho ស៊ុតឲ្យវិសាខានាំមុខ ១-០ ។ ពេលដៃគូនាំមុខ បឹងកេតបានព្យាយាមវាយសម្រុកខ្លាំង ប៉ុន្តែរង់ចាំហូតដល់នាទីទី៧៥ ទើបខ្សែប្រយុទ្ធនីហ្សេរីយ៉ា Jullius តែតចូលតាមស្មើ ១-១។

តាមរយៈលទ្ធផលស្មើ ១-១ នេះបានធ្វើឲ្យបឹងកេតនៅតែបន្តកំណត់ត្រាមិនស្គាល់បរាជ័យ បន្ទាប់ពី១០ប្រកួត ឈ្នះ៧ និងស្មើ៣។ រដូវកាលនេះឃើញថា បឹងកេតឧស្សាហ៍ត្រូវបានដៃគូស៊ុតចូលទីមុនណាស់ ប៉ុន្តែព្យាយាមវាយបករហូតតាមស្មើ និងរកបានជ័យជម្នះថែមទៀត។ យ៉ាងណា ការទទួលបាន១ពិន្ទុនេះ បឹងកេតមិនអាចរក្សាតំណែងកំពូលតារាងបានទេ ប្រសិនបើណាហ្គាវើលឈ្នះវេស្ទើនភ្នំពេញល្ងាចនេះ ដោយសារពេលនេះបឹងកេតមាន២៤ពិន្ទុ ខណៈណាហ្គាវើលមាន២២ពិន្ទុ៕