អបអរ! ម្ចាស់បទ "PPAP” ស្វាគមន៍កូនស្រីដំបូង ក្រោយរៀបការបាន២ខែ
- 2018-06-19 02:03:28
- ចំនួនមតិ 0 | ចំនួនចែករំលែក 0
អបអរ! ម្ចាស់បទ "PPAP” ស្វាគមន៍កូនស្រីដំបូង ក្រោយរៀបការបាន២ខែ
ចន្លោះមិនឃើញ
បើតាមសារព័ត៌មានរបស់ប្រទេសជប៉ុនបានបញ្ជាក់ថា ម្ចាស់បទចម្រៀងដ៏ល្បី "Pen Pineapple Apple Pen (PPAP)” បានស្វាគមន៍កំណើតកូនស្រីដំបូងរបស់លោកកាលពីថ្ងៃទី ១៧ ខែមិថុនានេះ។ តារាចម្រៀង Piko Taro មិនអាចទប់ក្ដីរំភើបរីករាយរបស់លោកបានទេ ខណៈថ្ងៃដែលកូនស្រីរបស់លោកចាប់កំណើតនោះគឺត្រូវនឹងថ្ងៃទិវាឪពុកផងដែរនោះ។
តាមគណនីបណ្ដាញសង្គម តារាចម្រៀង Piko Taro បាននិយាយថា៖ "ថ្ងៃនេះជាថ្ងៃបុណ្យទិវាឪពុក បើប្រៀបធៀបទៅនឹងទិវាមាតាវិញ បុណ្យឪពុកនេះមិនសូវមានអ្នកដឹងនោះទេ ប៉ុន្តែកូនស្រីរបស់ខ្ញុំជាកាដូដ៏អស្ចារ្យបំផុតសម្រាប់ខ្ញុំក្នុងទិវាមួយនេះ។ នេះពិតជាថ្ងៃទិវាឪពុកដ៏ល្អជាងគេបំផុត"។
គួររម្លឹកដែរថា តារាចម្រៀង Piko និងប្រពន្ធរបស់លោក Hitomi Yasueda ដែលជាតារាម៉ូដែលវ័យ ១៨ឆ្នាំនោះ បានចាប់ផ្ដើមទាក់ទងគ្នាអស់រយៈពេល ៤ឆ្នាំ ក្រោយសម្រេចចិត្តរៀបការនឹងគ្នា។ កាលពី២ខែមុន ពួកគេទាំង២បានរៀបការនឹងគ្នាដោយស្ងាត់ៗ ដោយមានការចូលរួមពីសំណាក់មិត្តជិតស្និទ្ធ និងសាច់ញាតិក្រុមគ្រួសារពួកគេតែប៉ុណ្ណោះ ហើយអំឡុងពេលរៀបការនោះ តារាម៉ូដែល Hitomi មានផ្ទៃពោះជិត ៨ខែទៅហើយ៕