កន្លែងមួយល្បីបំផុតនៅទីក្រុងភ្នំពេញ ចង់ទិញគ្រឿងបន្លាស់ឡានមួយទឹក ទៅមិនខុសចិត្តទេ

2018-06-20 02:30:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកឧស្សាហ៍ជិះកាត់តាមផ្លូវ ២២៣ ខាងក្រោយម៉ុងឌីយាល់ ឬម្ដុំក្រោយផ្សារដេប៉ូប្រាកដជាឃើញមានគេដាក់លក់ក្បាលឡានជជុះ និងមានគ្រឿងបន្លាស់ជាច្រើនទៀតសុទ្ធសឹងជាគ្រឿងក្នុងឡានមានច្រើនស៊េរីទាំងថ្មី និងមួយទឹក។

គ្រឿងឡានទាំងនោះ ត្រូវបានឈ្មួញយកមកលក់កាប់សាច់ និយាយឲ្យស្រួលស្ដាប់យកគ្រឿងណាដែលអាចនៅប្រើប្រាស់បានទុកសម្រាប់ប្ដូរ និងលក់នៅពេលឡានមួយទឹកផ្សេងទៀតមានបញ្ហា។

បើតាមជាងជួសជុលឡានម្នាក់សុំមិនបញ្ចេញឈ្មោះប្រាប់ Sabay ថា នៅពេលឡានភ្ញៀវខូចយកទៅជួសជុលតាមការាសគេតែងមករកគ្រឿងនៅម្ដុំនេះ ព្រោះមានគ្រឿងឡានថ្មី និងជជុះសម្បូរបែបច្រើនស៊េរី។

លោកបន្តថា គ្រឿងបន្លាស់នៅទីនេះមានតម្លៃធូរថ្លៃជាងរបស់ថ្មីហើយអាចនៅប្រើប្រាស់បាន ទោះជាគុណភាពមិនល្អដូចថ្មីតែវាអាចជំនួសមួយគ្រាបានដែរ។

ឡានមួយទឹកកាន់តែមានការប្រើប្រាស់ច្រើន និងនាំមកលក់ជាហូរហែមានខ្លះគុណភាពល្អទៅតាមប្រភេទឡាននិមួយៗ។ អ្នកប្រើប្រាស់ឡានមួយទឹកភាគច្រើននៅពេលមានបញ្ហាខូចយកទៅជួសជុលនៅការាស និងប្ដូរគ្រឿងថ្មីគេតែងទៅរកទិញនៅព្រោះអាចមានតម្លៃធូរថ្លៃ និងមានគ្រឿងសម្បូរបែប៕