Apple ធ្លាប់គិតចង់ដករន្ធសាកថ្មពី iPhone X
- 2018-06-22 03:03:15
- ចំនួនមតិ 0 | ចំនួនចែករំលែក 0
Apple ធ្លាប់គិតចង់ដករន្ធសាកថ្មពី iPhone X
ចន្លោះមិនឃើញ
ផ្អែកតាមរបាយការណ៍ថ្មីមួយរបស់ Mark Gurman អ្នកវិភាគអំពីក្រុមហ៊ុន Apple បានបង្ហាញថា Apple ធ្លាប់មានគំនិតពិចារណាដករន្ធសាកថ្មចេញពី iPhone X។
របាយការណ៍របស់ Mark បានសរសេរដូចនេះ ៖
“អំឡុងពេលបង្កើត iPhone X ក្រុមហ៊ុន Apple ធ្លាប់គិតចង់ដកប្រព័ន្ធសាកថ្មតាមខ្សែចេញទាំងស្រុង។ ពេលនោះ វាជាពេលមិនអំណោយផលនៅឡើយ ព្រោះថាការសាកថ្មដោយឥតប្រើខ្សែនៅបញ្ចូលថ្មយឺតជាងការសាកតាមខ្សែ។ ហើយការបន្ថែមនូវឧបករណ៍សាកថ្មឥតប្រើខ្សែជាមួយ iPhone ស៊េរីថ្មី ក៏នឹងធ្វើឲ្យតម្លៃទូរសព្ទកើនឡើងមួយកម្រិតទៀត”។
ប៉ុន្មានឆ្នាំមុន មានការរាយការណ៍ថាគោលបំណងធំមួយរបស់លោក Jony Ive ប្រធានផ្នែកឌីហ្សាញរបស់ Apple គឺចង់បង្កើត iPhone ដែលមានលក្ខណៈដូចជាកញ្ចក់មួយផ្ទាំង។ បន្ថែមពីនេះ Apple ក៏ធ្លាប់បង្ហាញអំពីមហិច្ឆតាបង្កើតនូវ "អនាគតមិនប្រើខ្សែ" ហេតុនេះការដករន្ធសាកថ្មចេញ នឹងមិនមានអ្វីគួរឲ្យភ្ញាក់ផ្អើលនោះទេ។
បច្ចុប្បន្ននេះ Apple កំពុងដើរលើគន្លង "អនាគតមិនប្រើខ្សែ" របស់ខ្លួន ជាមួយការបញ្ចេញផលិតផលដូចជា AirPod, AirPower រួមជាមួយឈីប Wireless W1 និង W2 ជាដើម៕