ប្រកួតយប់នេះគ្រូកូស្តារីកា សារ៉េកូនក្រុមកុំឲ្យធ្វើស៊ី Neymar
- 2018-06-22 03:27:06
- ចំនួនមតិ 0 | ចំនួនចែករំលែក 0
ប្រកួតយប់នេះគ្រូកូស្តារីកា សារ៉េកូនក្រុមកុំឲ្យធ្វើស៊ី Neymar
ចន្លោះមិនឃើញ
Neymar នឹងលេងដោយមិនសូវមានភាពភ័យព្រួយនៅរាត្រីនេះ ដោយសារតែលោក Oscar Ramirez ដែលជាគ្រូរបស់កូស្តារីកាប្រាប់ក្រុមទាំងមូលកុំឲ្យលេងកាចលើតារារបស់ PSGខាងលើ។
កាលពីម្សិលមិញប្រេស៊ីលបានប្រកាស Neymar ជា១០០%វិញហើយ នឹងអាចប្រកួតបានពេញព្រឹត្តិការណ៍ World Cup ក្រោយរូបគេត្រូវឲ្យសម្រាកពីរថ្ងៃដោយសាររបួសកជើងចាស់រើឡើង។ កាលប៉ះជាមួយស្វីសនៅប្រកួតទី១ កីឡាករវ័យ២៦ឆ្នាំបានធ្វើឲ្យខាងស្វីសមានកំហុសដល់ទៅ១០ដង ដែលជាកំណត់ត្រាកីឡាករធ្វើឲ្យដៃគូសាងកំហុសច្រើនជាងគេនៅ World Cup។
និយាយក្នុងមុនប្រកួតមកដល់ Oscar Ramirez បានបញ្ជាក់ថា៖ "Neymar គឺជាកីឡាករមានជំនាញខ្ពស់ ហើយជាការពិតពួកយើងឃើញមានកីឡាករជាច្រើនព្យាយាមបញ្ឈប់គេដោយប្រើកម្លាំងខ្លាំងៗ។ ពួកយើងមានយុទ្ធសាស្ត្រផ្ទាល់ខ្លួន ហើយអ្នកនឹងឃើញអ្វីដែលកើតឡើង។ ពួកយើងប្រហែលដាក់កីឡាករពីរនាក់ចាប់គេ។ ប៉ុន្តែពួកយើងមិនចង់ឃើញការប៉ះទង្គិចអាក្រក់ណាមួយលើគេនោះទេ។ កីឡាកររបស់ខ្ញុំដឹងថាត្រូវធ្វើយ៉ាងមិច"៕