លង់ស្នេហ៍ ពេលឃើញគំរូរូបរាង Galaxy S10 ប៉ុន្មានសន្លឹកនេះ

2018-06-23 02:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Phone designer ក៏បានបញ្ចេញនូវគំរូរូបរាងស្មាតហ្វូន Galaxy S10 ដែលមានសណ្ឋានស្រដៀងនិង Galaxy S9 តែស្អាតប្លែកភ្នែកត្រង់ទីតាំងកាមេរ៉ាបីគ្រាប់ និងមានផ្ទៃកោងផ្នែកខាងគែម គ្រាន់តែឃើញភ្លាមចាប់ចិត្តតែម្ដង។

ត្បិតតែមិនមែនជារូបរាងគំរូចេញពី Samsung ប៉ុន្តែគេអាចសន្និដ្ឋានបានថា Galaxy S10 អាចនឹងបំពាក់មកជាមួយកាមេរ៉ាផ្នែកខាងមុខពីរគ្រាប់ មានបង្កប់បច្ចេកវិទ្យាស្កេនផ្ទៃមុខបែប 3D(Sensor 3D) នឹងបច្ចេកវិទ្យាស្កេនក្រយៅដៃបង្កប់ក្រោមអេក្រង់ ឯផ្នែកខាងក្រោយ អាចជាកាមេរ៉ាបីគ្រាប់ មានបង្កប់បច្ចេវិទ្យាជាច្រើនសម្រាប់វាយលុកទីផ្សារស្មាតហ្វូនឆ្នាំ ២០១៩។

កន្លងមក មានអ្នកជំនាញជាច្រើនបានបង្ហើបថា Galaxy S10 អាចនិងចេញមុន Galaxy Note 9 នៅអំឡុងខែកុម្ភៈក្នុងពិព័រណ៍ CES ឆ្នាំ ២០១៩ប្រទេសកូរ៉េខាងត្បួង។

ក្រុមអ្នករចនាល្បីឈ្មោះខាងលើ តែងតែបញ្ចេញនូវគំរូរូបរាងស្មាតហ្វូនស្ទើរគ្រប់ម៉ូឌែល ហើយរាល់រូបរាងទាំងអស់នោះ នៅពេលប្រកាសផ្លូវការមិនសូវជាខុសគ្នាទេគឺថា សឹងតែដូច ៩០ ភាគរយ។ ដូចនេះ មានតែរង់ចាំមើលទាំងអស់គ្នា តើ Samsung នឹងប្រកាស Galaxy S10 ដែលមានរាងបែបនេះដែរទេ?

#ចង់ដឹងច្បាស់មើលរូបភាពខាងក្រោមនេះ៖