គ្មានការបណ្តេញគ្រូបង្វឹកចេញទេ ក្រោយអាហ្សង់ទីនចាញ់ក្រូអាតធ្ងន់ក

2018-06-23 10:19:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជា Jorge Sampaoli ដឹកនាំអាហ្សង់ទីនចាញ់ក្រោមថ្វីជើងក្រូអាតយ៉ាងធ្ងន់ធ្ងរ ប៉ុន្តែ អតីតគ្រូបង្វឹកឈីលីនឹងមិនត្រូវបានបណ្ដេញចេញពីតួនាទីនៅ World Cup ២០១៨ នេះឡើយ។

សហព័ន្ធកីឡាបាល់ទាត់អាហ្សង់ទីន (Argentina FA ឬ AFA) បានបញ្ជាក់បន្ទាប់ពីចប់ប្រកួតជុំទី២ថា គ្មាននរណាម្នាក់នឹងត្រូវចាកចេញពីតំណែងទេ។ នេះបើតាម Independent ទើបបានចុះផ្សាយ។

Marcaបានដកស្រង់ពីបណ្ដាញសារព័ត៌មាន TYC ដោយបានរាយការណ៍ថា កីឡាករអាហ្សង់ទីនមានកិច្ចប្រជុំបន្ទាន់មួយ នៅព្រឹកថ្ងៃសុក្របន្ទាប់ពីចាញ់ក្រូអាត ៣-០ ហើយបានសម្រេចថា ពួកគេនឹងមិនត្រូវការលោក Sampaoli ដឹកនាំក្រុមលេងទល់នឹងនីហ្សេរីយ៉ាទៀតទេ ដោយជំនួសមកវិញដោយលោក Jorge Burruchaga គ្រូបច្ចេកទេស ដែលជាជំនួយការលោកSampaoli។ ប៉ុន្តែ បើតាមសហព័ន្ធ គ្មានឡើយការផ្តាស់ប្តូរគ្រូបង្វឹក។

Otamendi ព្យាយាមលោតសំកាំងយកបាល់ពេលប៉ះក្រូអាត

Sergio Aguero បានប្រតិកម្មទៅនឹងពាក្យសំដីរបស់អតីតគ្រូបង្វឹក Sevilla និង ឈីលី ដែលបានបន្ទោសកូនក្រុមថាមិនចេះលេងបាល់ជាមួយ Messi។ Aguero និយាយថា "គាត់អាចនិយាយអ្វីដែលគាត់ចង់"។

ភាពតានតឹងផ្ទៃក្នុងរបស់អាហ្សង់ទីន បានកើតឡើងស្របពេលដែលក្រុមមកពីអាមេរិកឡាទីនមួយនេះមានឱកាសកាន់តែស្តួចស្តើងក្នុងការឡើងទៅវគ្គ១៦ក្រុម។

Messi ទម្លាយសំណាញ់ទី Danijel Subasic របស់អ្នកចាំទីក្រូអាតមិនបានសម្រេច

សារព័ត៌មាន Indpendent របស់អង់គ្លេសបានរាយការណ៍ថាវិបត្តិនៃការរៀបចំរបស់គ្រូបង្វឹក Sampaoli នៅត្រង់ប្រើប្រព័ន្ធការពារ៣ នាក់ លេងទល់នឹងក្រូអាត។ ប្រព័ន្ធនេះ Sampaoli ជោគជ័យច្រើននៅពេលដឹកនាំឈីលី ប៉ុន្តែ បែរជាបរាជ័យធំបំផុតក្នុងប្រវត្តិសាស្ត្ររបស់ក្រុមជម្រើសជាតិអាហ្សង់ទីន។

ម្យ៉ាងទៀត Messi លេងនៅតំបន់បម្រើកណ្ដាលដែលខ្លួនមិនសូវថ្នឹកជាមួយ ហើយ បានត្រឹមរង់ចាំបាល់វែងពី Nicolas Otamendi ស្របពេលដែល Aguero ក៏មិនមែនជាប្រភេទខ្សែប្រយុទ្ធតំបន់កណ្ដាល ដែលពិបាកលេងបាល់ one-twos ជាមួយ Messi។ ជាហេតុធ្វើឲ្យអាហ្សង់ទីនពិបាកបណ្តើរបាល់ចូលទៅក្នុងប្រអប់គ្រោះថ្នាក់របស់ក្រូអាត។

ជារួមនៅពេលនេះ បើទោះជា Jorge Sampaoli អាចដឹកនាំអាហ្សង់ទីនឡើងទៅវគ្គ១៦ក្រុម ប៉ុន្តែ វិបត្តិអាហ្សង់ទីនទំនងជាពិបាកដោះស្រាយដដែល ពីព្រោះកីឡាករទាំងអស់ហាក់អស់ជំនឿលើគ្រូបង្វឹក៕

ប្រភព៖ Marca | Independent ប្រែសម្រួល៖ សុខ លាងហ៊ត

ពាក្យទាក់ទង

FIFA World Cup 2018

អត្ថបទពេញនិយម

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤