អ្នកឃើញអាគារនេះ បែបមិនដឹងទេថាពីមុនធ្លាប់ជាទីតាំងសាលា IT ដ៏ល្បីមួយ

2018-06-27 02:32:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអគារសាកលវិទ្យាល័យអាយអាយស៊ីនៃបច្ចេកវិទ្យា (IIC) បានផ្លាស់ប្តូររូបរាងថ្មី កាន់តែឡូយទំនើបជំនួសអតីតទីកន្លែងបណ្ដុះបណ្ដាលធនធានមនុស្សផ្នែកបច្ចេកវិទ្យា។។

ក្រោយបានផ្លាស់ប្ដូរទីតាំងថ្មីនៅម្តុំចាក់អង្រែតាមផ្លូវជាតិលេខ ២ អគារសាលាឯកជននេះត្រូវបានទុកចោល ទើបក្រោយមកត្រូវបានគេអភិវឌ្ឍសាងសង់ជាធនាគារកម្ពស់កប់ពពកមួយ។

លោកធីម ច័ន្ទរិទ្ធី អ្នកបង្កើតកម្មវិធី MOON OS ក៏ធ្លាប់ជាអតីតសិស្សសិក្សាជំនាញព័ត៌មានវិទ្យានៅសាកលវិទ្យាល័យមួយនេះ។

សាកលវិទ្យាល័យអាយអាយស៊ីនៃបច្ចេកវិទ្យាបានបង្កើតឡើងនៅឆ្នាំ 2008 វិវត្តន៍ពីវិទ្យាស្ថានអន្តរជាតិនៃកម្ពុជា ដែលបានបង្កើតក្នុងឆ្នាំ 1999។ សាកលវិទ្យាល័យឯកជននេះបានអនុវត្តប្រព័ន្ធឥណទាននៅក្នុងកម្មវិធីសិក្សា ពីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត និងមានបណ្តុះបណ្តាលជំនាញដូចជាផ្នែកកុំព្យូទ័រ ភាសាអង់គ្លេស រួមជំនាញអាជីវកម្មជាច្រើនទៀត៕