Smart ប្រជែងឈ្នះច្រើនប្រទេស ឈ្នះពានមាសពីសិង្ហបុរី

2018-06-27 10:20:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Smart Axiata បានទទួលរង្វាន់ប្រតិបត្តិករទូរសព្ទចល័តល្អបំផុតក្នុងទីផ្សារដែលកំពុងរីកចម្រើននៅតំបន់អាស៊ីកាលពីម្សិលមិញដោយក្រុមហ៊ុន Telecom Asia ដែលមានប្រធានផ្នែកហិរញ្ញវត្ថុលោក Kanishka Wickrama ជាតំណាងឲ្យក្រុមហ៊ុនក្នុងការទទួលពានក្នុងពិធី Gala Award នៅមជ្ឈមណ្ឌលសន្និបាត និងពិព័រណ៍ Suntec ប្រទេសសិង្ហបុរី។

ជយលាភីនេះ បានចម្រាញ់ពីក្រុមហ៊ុនទូរសព្ទចល័តប្រទេសម៉ាឡេស៊ី ឥណ្ឌា ហ្វីលីពីន ឥណ្ឌូណេស៊ី ដែលរើសឡើងពីអ្នកជំនាញឯករាជ្យក្នុងឧស្សាហកម្មនេះ ដោយបោះឆ្នោតផ្អែកលើការច្នៃប្រឌិត លទ្ធផលការងារផ្នែកហិរញ្ញវត្ថុ បច្ចេកវិទ្យា ភាពដឹកនាំក្នុងទីផ្សារ និងអភិបាលកិច្ចសាជីវកម្ម។

នាយកប្រតិបត្តិ Smart Axiata លោក ថូម៉ាស់ ហ៊ុន បាននិយាយថា៖ “នេះជាមោទនភាពសម្រាប់យើង និងប្រទេសកម្ពុជា ដោយត្រូវបានទទួលស្គាល់ថា ជាប្រតិបត្តិករទូរសព្ទចល័តល្អបំផុតក្នុងទីផ្សារដែលកំពុងរីកចម្រើនក្នុងតំបន់"។

ថ្មីៗនេះ Smart ក៏ទើបទទួលស្គាល់ដោយអគ្គនាយកដ្ឋានពន្ធដារកម្ពុជា ជាមួយពានរង្វាន់មាស សម្រាប់ការអនុវត្តច្បាប់ពន្ធ និងបានកោតសរសើរជាប្រតិបត្តិករ ទូរគមនាគមន៍ចល័តដំបូងគេដែលទទួលបានពានរង្វាន់នេះ ហើយដើមឆ្នាំនេះ ក៏ទទួលបានពានរង្វាន់ជាក្រុមហ៊ុនទូរគមនាគមន៍ចល័តល្អបំផុតរបស់កម្ពុជា និងពានរង្វាន់ក្រុមហ៊ុនដែលមានកម្មវិធីទំនួលខុសត្រូវសង្គមល្អបំផុតក្នុងប្រទេសកម្ពុជា ពី Global Banking and Finance Review ៤ ឆ្នាំជាប់គ្នា។

សម្រាប់ព័ត៌មានបន្ថែម ចូលទៅផេកហ្វេសប៊ុក Smart Axiata ឬចូលទៅវិបសាយ www.smart.com.kh ៕