ស៊ុយអែត ចាប់ដៃ ម៉ិកស៊ីកូ ឡើងវគ្គ១៦ក្រុម ខណៈជើងឯកឆ្នាំចាស់ អាល្លឺម៉ង់ ហាលអាវ
- 2018-06-27 16:00:13
- ចំនួនមតិ 0 | ចំនួនចែករំលែក 0
ស៊ុយអែត ចាប់ដៃ ម៉ិកស៊ីកូ ឡើងវគ្គ១៦ក្រុម ខណៈជើងឯកឆ្នាំចាស់ អាល្លឺម៉ង់ ហាលអាវ
ចន្លោះមិនឃើញ
ការប្រកួតបញ្ចប់ក្នុងពូល F បានរកឃើញក្រុមឡើងវគ្គ១៦ក្រុមចុងក្រោយហើយគឺជម្រើសជាតិស៊ុយអែត និង ម៉ិកស៊ីកូ នៃពានរង្វាន់ FIFA World Cup 2018 ប៉ុន្តែក្រុមការពារតំណែងជើងឯកចាស់ អាល្លឺម៉ង់ ចុកឈាមក្នុងការប្រកួតចុងក្រោយនេះ។
វាជាការប្រកួតដ៏រន្ធត់សម្រាប់បញ្ចប់ពូលដែលធ្វើឲ្យកីឡាករ និងអ្នកគាំទ្ររបស់ខ្លួនបុកពោះមិនស្ទើរទេ។ ក្រុមជម្រើសជាតិម៉ិកស៊ីកូដែលធ្វើបានយ៉ាងល្អ២ប្រកួតកន្លងមក ឈ្នះទាំង២ប្រកួតដោយមាន៦ពិន្ទុនោះ បែរជាភ្លាត់ចាញ់ប្រកួតចុងក្រោយក្នុងពូលនេះដោយថ្វីជើង ស៊ុយអែត ក្នុងលទ្ធផល ៣-០។ ៣គ្រាប់របស់ស៊ុយអែតធ្វើបានសម្រេចដោយកីឡាករ Augustinsson នៅនាទីទី៥០ និងគ្រាប់ទី២រកបានដោយកីឡាករ Granqvist ពីការស៊ុតពិន័យ១១ម៉ែត្រនាទីទី៦២ ខណៈគ្រាប់ទី៣ជាការធ្វើឲ្យចូលទីខ្លួនឯងរបស់ម៉ិកស៊ីកូគឺ Edson Alvarez នៅនាទីទី៧៤។ យ៉ាងណា ម៉ិកស៊ីកូ នៅតែអាចឡើងជាមួយ ស៊ុយអែត ដោយមាន៦ពិន្ទុស្មើគ្នាទៅវគ្គ១៦ក្រុមចុងក្រោយ។
ចំណែកក្រុមការពារតំណែងជើងឯកចាស់ អាល្លឺម៉ង់ បានក្អួតឈាមក្នុងការប្រកួតចុងក្រោយនេះដែលគ្រប់គ្នាគិតថា មិនលំបាកយកឈ្នះកូរ៉េខាងត្បូងឡើយ ប៉ុន្តែបែរជាត្រូវហាលអាវត្រឹមវគ្គសន្សំពិន្ទុក្នុងពូល បន្ទាប់ពីចាញ់កូរ៉េខាងត្បូង ២-០។ វាស្ទើរតែមិនជឿដែលក្រុមខ្លាំងលើលោកអាល្លឺម៉ង់មិនអាចធ្វើអ្វីកូរ៉េខាងត្បូងដែលមកពីអាស៊ី។ ២គ្រាប់រកកូរ៉េខាងត្បូងធ្វើបានសម្រេចដោយកីឡាករ Y.Kim នៅនាទីទី៩០ និងប្រធានក្រុម H.Son នៅនាទីទី៩០+៦៕