តាំងពីឆ្នាំ៩៨មក មានតែប្រេស៊ីលប៉ុណ្ណោះដែលលើកពានហើយមិនធ្លាក់ក្នុងពូល World Cup
- 2018-06-28 00:57:38
- ចំនួនមតិ 0 | ចំនួនចែករំលែក 0
តាំងពីឆ្នាំ៩៨មក មានតែប្រេស៊ីលប៉ុណ្ណោះដែលលើកពានហើយមិនធ្លាក់ក្នុងពូល World Cup
ចន្លោះមិនឃើញ
ក្រុមបាល់ទាត់ជម្រើសជាតិអាល្លឺម៉ង់បានធ្លាក់ចេញពី World Cup នៅរុស្ស៊ីយ៉ាងគួរឲ្យភ្ញាក់ផ្អើលក្រោយចាញ់ជើងខ្លាំងអាស៊ីដោយលទ្ធផល ២ទល់នឹង០ ក្នុងការប្រកួតបិទឆាកពូលF កាលពីយប់មិញ។
អាល្លឺម៉ង់ដែលត្រូវការឈ្នះយ៉ាងចាំបាច់បំផុតដើម្បីឡើងវគ្គ១៦ក្រុមចុងក្រោយជាមួយម៉ិកស៊ិកនោះមិនអាចទម្លាយរនាំងការពារដ៏រឹងមាំ និងអ្នកចាំទីដៃស្អិតរបស់កូរ៉េបាន បែរជារបូតរហូត២គ្រាប់នៅចុងម៉ោង ដែលជាការស៊ុតបញ្ចូលទីរបស់ Young-Gwon Kim និង Heung-Min Son ធ្វើឲ្យពួកគេមិនត្រឹមអស់ឱកាសឡើងទេ ថែមទាំងបញ្ចប់ពូលនៅបាតតារាងថែមទៀត។
ក្រឡេកទៅមើលអតីតកាលវិញចាប់តាំងពីឆ្នាំ១៩៩៨មកក្រុមដែលលើកពាន World Cup ច្រើនតែធ្លាក់វគ្គចែកពូលនៅ World Cup បន្ទាប់មានតែប្រេស៊ីលមួយប៉ុណ្ណោះដែលឈ្នះឆ្នាំ២០០២ ហើយធ្លាក់វគ្គ៨ក្រុមនៅ World Cup ២០០៦។
ឆ្នាំ១៩៩៨៖ បារាំងឈ្នះ World Cup (ក្នុងប្រទេសបារាំងផ្ទាល់) ឆ្នាំ២០០២៖ បារាំងធ្លាក់វគ្គចែកពូល (នៅកូរ៉េ ជប៉ុន)
ឆ្នាំ២០០៦៖ អ៊ីតាលីឈ្នះ World Cup (នៅអាល្លឺម៉ង់) ឆ្នាំ២០១០៖ អ៊ីតាលីធ្លាក់វគ្គចែកពូល (នៅអាហ្វ្រិក)
ឆ្នាំ២០១០៖ អេស្ប៉ាញឈ្នះ World Cup (នៅអាហ្វ្រិក) ឆ្នាំ២០១៤៖ អេស្ប៉ាញធ្លាក់វគ្គចែកពូល (នៅប្រេស៊ីល)
ឆ្នាំ២០១៤៖ អាល្លឺម៉ង់ឈ្នះ World Cup (នៅប្រេស៊ីល) ឆ្នាំ២០១៨៖ អាល្លឺម៉ង់ធ្លាក់វគ្គចែកពូល (នៅរុស្ស៊ី)៕