ពីររឿងកើតឡើងផ្ទួនៗ ផ្អើលអស់អ្នកកំពង់សោម

2018-06-28 04:58:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុការណ៍ពីរបានកើតឡើងកាលពីសប្ដាហ៍មុននៅខេត្តព្រះសីហនុ ដែលធ្វើឲ្យពលរដ្ឋទូទៅចាប់អារម្មណ៍។ មានករណីប្លន់មួយ និងករណីគ្រោះថ្នាក់ចរាចរណ៍មួយ ប៉ុន្តែអ្វីដែលធ្វើឲ្យមហាជនផ្តោតការតាមដានកាន់តែខ្លាំង គឺតួអង្គសំខាន់ជារថយន្ត Rolls-Royce ដែលរឹតតែធ្វើឲ្យព័ត៌មានក្តៅគគុកឡើង។

រថយន្តជនល្មើស

ករណីដំបូងគឺការប្លន់ដែលបង្កដោយជនជាតិចិនមួយក្រុម បានប្រើប្រាស់មធ្យោបាយរថយន្ត Rolls-Royce ប្រព្រឹត្តបទល្មើសប្លន់ប្រដាប់អាវុធ លើជនរងគ្រោះជាអ្នកបើករថយន្តតាក់ស៊ី។ ក្នុងហេតុការណ៍នេះ ជនរងគ្រោះបានបាត់បង់លុយកាក់និងទ្រព្យសម្បត្តិជាប់ខ្លួនមួយចំនួន។

តាមការសារភាពរបស់ជនល្មើសក្រោយសមត្ថភាពកិច្ចបង្ក្រាបភ្លាមៗ បានឆ្លើយសារភាពថា ពួកគេប្លន់ជនរងគ្រោះដោយសារធ្លាប់ស្គាល់គ្នាពីមុនមក ដោយប្រើល្បិចហៅតាមកម្មវិធី WeChat ហៅទៅដឹកទៅកន្លែងស្ងាត់ រួចធ្វើសកម្មភាពប្លន់តែម្តង។

ផ្អើលមួយប្រទេស ចោរថ្លើមធំជិះដល់ Rolls-Royce ទៅប្លន់អ្នករត់តាក់ស៊ីនៅកំពង់សោម

ករណីគួរឲ្យចាប់អារម្មណ៍មួយទៀតដែរគឺមានគ្រោះថ្នាក់ចរាចរណ៍បង្កឡើងដោយរថយន្ត Rolls-Royce បានបើកបុកបង្គោលភ្លើងនិងបុករះបង្កការខូចខាតទ្រព្យសម្បត្តិសាធារណៈ។ កាន់តែខូចខាតធ្ងន់ធ្ងរគឺរថយន្ត Rolls-Royce ទៅវិញទេ ដែលគេដឹងថារាល់គ្រឿងមួយៗមិនថាតូចមិនថាធំលើរថយន្តកំពូលថ្លៃនេះ តម្លៃមិនថោកទេ។