ជប៉ុនជាក្ដីសង្ឃឹមចុងក្រោយរបស់អាស៊ី សម្រាប់ការឈានទៅវគ្គបន្ត
- 2018-06-28 08:10:33
- ចំនួនមតិ 0 | ចំនួនចែករំលែក 0
ជប៉ុនជាក្ដីសង្ឃឹមចុងក្រោយរបស់អាស៊ី សម្រាប់ការឈានទៅវគ្គបន្ត
ចន្លោះមិនឃើញ
ក្នុងចំណោម៥ក្រុមចេញពីទ្វីបអាស៊ីចូលរួមក្នុងកម្មវិធី World Cup បានធ្លាក់អស់៤ក្រុមហើយនៅសល់តែជប៉ុនមួយគត់ដែលត្រូវកំណត់ជោគវាសនាយប់នេះ។
ក្រុមអាស៊ីដែលហាលអាវរួមមាន៖ អ៊ីរ៉ង់ អារ៉ាប៊ីសាអ៊ូឌីត កូរ៉េខាងត្បូងនិងអូស្ត្រាលី។ ក្រុមរហស្សនាមសាម៉ូរៃខៀវបច្ចុប្បន្នកំពុងនៅលេខ១ពូល H មាន៤ពិន្ទុស្មើគ្នាជាមួយសេណេហ្គាល់ ឯកូឡុំប៊ីនៅលេខបីមាន៣ពិន្ទុ ប៉ូឡូញនៅបាតតារាងគ្មានពិន្ទុរាប់។ រាត្រីនេះជប៉ុនត្រូវតទល់នឹងប៉ូឡូញ និងកូឡុំប៊ីជួបសេណេហ្គាល់។
សម្រាប់ប្រកួតនេះជប៉ុនមានភាគរយឡើងច្រើន ប៉ុន្តែត្រូវប្រឹងប្រែងកុំឲ្យភ្លាត់ដូចអាល្លឺម៉ង់ឲ្យសោះ។ ជប៉ុនត្រូវការត្រឹមស្មើប៉ុណ្ណោះ ដើម្បីឡើងទៅវគ្គ១៦ក្រុមចុងក្រោយ។ យ៉ាងប្រសិនជាជប៉ុនចាញ់ប៉ូឡូញ ហើយកូឡុំប៊ីនិងសេណេហ្គាល់ប្រកួតស្មើ នោះជប៉ុននឹងធ្លាក់ ដោយសារចាញ់គ្រាប់បាល់ចំណេញរបស់កូឡុំប៊ី។
ក្រឡេកមើលពូល Gដែលត្រូវប្រកួតយប់នេះដូចគ្នា អង់គ្លេសប៉ះបែលហ្ស៊ិក ស្របពេលក្នុងទាំងពីរមានកៅអីនៅវគ្គ១៦ស្រាប់ទៅហើយ ខណៈទុយណេស៊ីជួបប៉ាណាម៉ាលេងបង្គ្រប់កិច្ច។ អង់គ្លេសនិងបែលហ្ស៊ិកត្បិតតែលេងមិនបារម្ភក្ដី តែពួកគេតាំងចិត្តចង់ឈ្នះរៀងខ្លួនដើម្បីកិត្តិយស៕