ក្រៅពីលេងម៉ូតសក់ Pogba ក៏ចាយមិនតិចដែរលើការលេងម៉ូតខោអាវ
- 2018-06-28 14:03:07
- ចំនួនមតិ 0 | ចំនួនចែករំលែក 0
ក្រៅពីលេងម៉ូតសក់ Pogba ក៏ចាយមិនតិចដែរលើការលេងម៉ូតខោអាវ
ចន្លោះមិនឃើញ
Paul Pogba ត្រូវបានមជ្ឈដ្ឋានជាច្រើនស្គាល់ថា ជាកីឡាករដែលចូលចិត្តដូរម៉ូតសក់។ បន្ថែមពីលើនេះ កីឡាករក៏ជាកីឡាករមួយរូប ដែលនិយមលេងម៉ូតសំលៀកបំពាក់ផងដែរ។ ស្របក្នុងន័យនេះ អត្ថបទនឹងលើកឡើងអំពី ឈុត និងតម្លៃនៃសំលៀកបំពាក់មួយចំនួនដែល Pogba ធ្លាប់បានប្រើប្រាស់កន្លងមក។
១. ឈុតស ជាមួយស្បែកជើងក្រហម៖ អាវ Givenchy Embroidered Poplin Shirtមានតម្លៃ ៣២០ ផោន (ជាង ៤២០ ដុល្លារសហរដ្ឋអាមេរិក) និងខោខោវប៊យប្រភេទ Balmain Biker មានតម្លៃរហូតដល់ទៅ ១៣៥០ ផោន (ជាង ១៧៧០ ដុល្លារសហរដ្ឋអាមេរិក)។ ចំណែកឯស្បែកជើង Maison Margiela Future High-Top Sneakerវិញ មានតម្លៃ ៥៥៤ ផោន (ជាង ៧២៥ ដុល្លារសហរដ្ឋអាមេរិក)។
២.ឈុតដែល Pogba ប្រើប្រាស់ធ្វើដំណើរទៅចូលរួមក្នុងក្រុមជម្រើសជាតិបារាំង កាលពីពេលកន្លងទៅ៖ អាវក្រៅ Amiri White Tiger Baseball Jacketមានតម្លៃ ១៦៣០ ផោន (ជាង ២១០០ ដុល្លារសហរដ្ឋអាមេរិក)។ រីឯខោ Fear of God X Complexcon Motocross មានតម្លៃ ៩០០ ផោន (ជាង ១២០០ ដុល្លារសហរដ្ឋអាមេរិក)។ ចំណែកស្បែកជើង Christian Louboutin Louis Lux-Strass វិញ មានតម្លៃដល់ទៅ ២២៩៥ ផោន (ជិត ៣ ពាន់ដុល្លារសហរដ្ឋអាមេរិក)។
៣.ឈុតដែល Pogba ប្រើកាលពីឆ្នាំ ២០១៥៖ សំលៀកបំពាក់មួយឈុតនេះមានតម្លៃប្រមាណ ២៥៥៤ ផោន (ជាង ៣៣៤០ ដុល្លារសហរដ្ឋអាមេរិក)។
៤.ឈុត Supreme Being៖ កន្សែង Supreme X Louis Vuitton Monogram Bandana មានតម្លៃ ២៨០ ផោន (៣៦៥ ដុល្លារសហរដ្ឋអាមេរិក) ខណៈអាវ Supreme X Louis Vuitton Monogram Overshirt មានតម្លៃ ៦៥០ ផោន (ជិត ៨៥០ ដុល្លារសហរដ្ឋអាមេរិក)។ រីឯស្បែកជើង Fear of God High-Top Sneaker មានតម្លៃ ៥០០ ផោន (៦៥៣ ដុល្លារសហរដ្ឋអាមេរិក)។
៥.ឈុត Big Heart៖ អាវយឺត Le Manoir Luxury មានតម្លៃ ៦៩ ផោន (ប្រមាណ ៩០ ដុល្លារសហរដ្ឋអាមេរិក), ខោ Givenchy Appliqued Sweatpants មានតម្លៃ ៧៥៥ ផោន (ជិត ៩៩០ ដុល្លារសហរដ្ឋអាមេរិក) និងស្បែកជើង Adidas Yeezy Boost 350 V2 Trainers មានតម្លៃ ២២០ ផោន (ជិត ២៩០ ដុល្លារសហរដ្ឋអាមេរិក)៕