ក្លឹប៦នេះត្រៀមខ្លួនគួរឲ្យភ្ញាក់ផ្អើល នឹងធ្វើឲ្យ MCL ជើងទី២កាន់តែកក្រើក

2018-06-30 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជើងទី២នៃក្របខណ្ឌបាល់ទាត់ជើងឯកជាតិនឹងចាប់ផ្តើមថ្ងៃសៅរ៍ទី៣០ ខែមិថុនានេះហើយ ខណៈក្រុមខ្លាំងៗមួយចំនួនបានត្រៀមខ្លួន និងផ្លាស់ប្តូរដ៏គួរឲ្យភ្ញាក់ផ្អើលមួយចំនួនដើម្បីប្រជែងឆ្ពោះទៅគ្រងជើងឯក។

១-វិសាខា

កែវ សុខផេង (ឆ្វេងទី១) និង សុខ សុវណ្ណ (ស្តាំទី១)

សមាជិកកំពូលថ្មីសន្លាង វិសាខា ទទួលបានការចាប់អារម្មណ៍ជាងគេក្នុងការត្រៀមខ្លួនសម្រាប់ជើងទី២ បើទោះជាជើងទី១ធ្វើបានយ៉ាងល្អក៏ដោយ។ ការត្រៀមខ្លួននេះគឺនាំចូលសមាជិកថ្មីសុទ្ធតែមានបទពិសោធក្នុងនោះយក ខ្សែការពារ សុខ សុវណ្ណ ពីបឹងកេត និងខ្សែបម្រើ កែវ សុខផេងដែលទំនេរ បន្ទាប់ពីចាកចេញពីលីគម៉ាឡេស៊ី។ ចុងក្រោយបំផុត វិសាខានាំចូលខ្សែបម្រើកណ្តាលជម្រើសជាតិកម្ពុជា និងអគ្គស្នងការដ្ឋាននគរបាលជាតិ ទិត្យ ឌីណា។

២-បឹងកេត

ក្រុមការពារតំណែងជើងឯកឆ្នាំចាស់ បឹងកេត កំពុងឈរលើកំពូលតារាង បន្ទាប់ពីចប់ជើងទី១ ប៉ុន្តែក្រុមមួយនេះមិននៅបង្អង់ត្រឹមនេះឡើយ។ ពួកគេបានចុះកុងត្រាយកខ្សែប្រយុទ្ធឆ្នើមកម្ពុជា ចាន់ វឌ្ឍនាកា ដែលជាអតីតកីឡាកររបស់ខ្លួន បន្ទាប់ពីកីឡាកររូបនេះត្រូវបានបញ្ចប់កុងត្រានៅក្លឹប Pahang FA របស់ម៉ាឡេស៊ី។ ជាមួយគ្នាក៏នាំចូលខ្សែប្រយុទ្ធ កែ វណ្ណៈ និងអ្នកចាំទី យុគ អារី ព្រមទាំងបញ្ចូលយុវជនមួយចំនួនចូលក្រុមធំ។ យ៉ាងណា បឹងកេតបានបញ្ចេញអ្នកចាំទីបទពិសោធច្រើន ស៊ូ យ៉ាទី។

៣-ណាហ្គាវើល

ស៊ូ យ៉ាទី

និយាយពីណាហ្គាវើលវិញក៏មិនធម្មតាដែរក្នុងត្រៀមខ្លួននេះគឺយកអ្នកចាំទីជម្រើសជាតិកម្ពុជា ស៊ូ យ៉ាទី ពីបឹងកេតដើម្បីឲ្យជើងទី២កាន់តែប្រសើរឡើង។ ជាមួយគ្នានេះ ណាហ្គាវើលបានចុះកុងត្រាយកកីឡាករកូរ៉េខាងត្បូង Song Chi-hoon ដែលមានបទពិសោធច្រើននៅពាន K-League Challenge ដែលជាក្របខណ្ឌទី២របស់កូរ៉េខាងត្បូង។

៤-ព្រះខ័នរាជស្វាយរៀង

ប្រាក់ មុន្នីឧត្តម Sergio Barboza និង Willard

ក្លឹបដែលមានមូលដ្ឋាននៅខេត្តស្វាយរៀងមួយនេះធ្វើមិនសូវបានល្អឡើយកាលពីជើងទី១ក្នុងនោះកីឡាករបរទេសមិនសូវមានប្រសិទ្ធភាព ហើយក៏កីឡាករក្នុងស្រុកក៏ជាប់ពិន័យចំនួនថែមទៀត។ កាលពីព្រឹកថ្ងៃសុក្រ ទី២៩ មិថុនា ព្រះខ័នរាជស្វាយរៀងបានប្រកាសចែកផ្លូវជាមួយកីឡាករបរទេស៣នាក់គឺ Trevin Ceaser, Shane Booysen និង Hyun Whoo។

យ៉ាងណា នៅថ្ងៃសុក្រដដែលនោះ ស្វាយរៀងបានប្រកាសចុះកុងត្រាកីឡាករថ្មី៣នាក់សុទ្ធតែជាកីឡាករលេងតំបន់ជួរមុខគឺ អតីតកីឡាកររបស់ខ្លួន ប្រាក់ មុន្នីឧត្តម បន្ទាប់ត្រឡប់មកពីលីគកំពូលម៉ាឡេស៊ី។ កីឡាករសញ្ជាតិប្រេស៊ីល Sergio Barboza ធ្លាប់លេងក្លឹប Master 7 FC នៅលីគរបស់ឡាវ និងកីឡាករអង់គ្លេស Willard ជាអតីតយុវជនរបស់ Arsenal និង Southampton ។

៦-ភ្នំពេញក្រោន

កីឡាករ Valci Teixeira (រូបថត៖ ភ្នំពេញក្រោន)

តំបន់ប្រយុទ្ធរបស់ភ្នំពេញក្រោនមិនសូវមានប្រសិទ្ធភាពប៉ុន្មានកាលពីជើងទី១ ដូច្នេះច្បាស់ណាស់ក្រុមមួយនេះត្រូវតែពង្រឹងតំបន់ជួរថែមទៀត។ ភ្នំពេញក្រោនបានចុះកុងត្រាយកខ្សែប្រយុទ្ធប្រេស៊ីល Valci Teixeira Júnior អាយុ៣១ឆ្នាំដែលមានបទពិសោធច្រើនក្នុងនោះធ្លាប់លេងនៅក្លឹប Sisaket , Krabi , Bangkok និងក្រុម Samut Sakhon ជាដើម។

ការប្រកួតជើងទី២ សប្តាហ៍ទី១២