ល្បីមកថា LG គ្រោងនឹងផលិតស្មាតហ្វូនដាក់កាមេរ៉ា ៥ គ្រាប់?
- 2018-06-30 03:25:00
- ចំនួនមតិ 0 | ចំនួនចែករំលែក 0
ល្បីមកថា LG គ្រោងនឹងផលិតស្មាតហ្វូនដាក់កាមេរ៉ា ៥ គ្រាប់?
ចន្លោះមិនឃើញ
យោងតាមប្រភពព័ត៌មានពី Android Police បានឲ្យដឹងថា ក្រុមហ៊ុនអេឡិចត្រូនិក LG គ្រោងនឹងផលិតចេញ LG V40 ឲ្យក្លាយជាស្មាតហ្វូនដំបូងគេរបស់ LG ដែលបំពាក់កាមេរ៉ាដល់ទៅ ៥គ្រាប់ ក្នុងនោះ ៣ គ្រាប់នៅខាងក្រោយ និង២គ្រាប់នៅខាងមុខ។
របាយការណ៍ដដែលបញ្ជាក់ថា កាមេរ៉ា២គ្រាប់នៅខាងមុខ នឹងមានភ្ជាប់បច្ចេកវិទ្យាដោះសោរដោយប្រើមុខបែប 3D។ ចំណែកកាមេរ៉ាខាងក្រោយ មានមួយគ្រាប់ជា Sensor ប្រើប្រាស់ធម្មតា និងមួយគ្រាប់ទៀតជាប្រភេទ Sensor Ultra-wide Lens ឯមុខងារកាមេរ៉ាទី៣នៅមិនទាន់មានការបញ្ជាក់នោះទេ។ ចំពោះទំហំប៉ុន្មានមេហ្គាភិចសែល ក៏មិនបានបញ្ជាក់នៅឡើយដែរ។
ប្រសិនបើនេះជាការពិតប្រាកដមែន នោះវានឹងក្លាយជាផ្នែកមួយដ៏ទាក់ទាញសម្រាប់ LG V40 ដែលអាចយកប្រៀបលើដៃគូប្រជែងបាន។ នាពេលបច្ចុប្បន្ន ស្មាតហ្វូនមួយចំនួនហ៊ានហក់លោតត្រឹមកាមេរ៉ា ៤ គ្រាប់ប៉ុណ្ណោះ ដោយក្នុងនោះ២គ្រាប់បំពាក់នៅខាងមុខ និង២គ្រាប់បំពាក់នៅខាងក្រោយ ឬ៣នៅខាងក្រោយ និង១នៅខាងមុខ៕
អានអត្ថបទបន្ត៖